Colosenses 1:12 - Emberá Chamí

¹² Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Colosenses 1:12 ပူးပေါင်းရင်းမြစ်များ

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Juan 4:23

Maamina chi ewari neei b̶uad̶a neesii. Id̶ibae Dachi Akõreba kʉ̃ria b̶uu ẽbẽrarãba chi nureemarebenad̶eeba ichimaa ichi Jaurid̶eeba biꞌia berread̶ai maud̶e biawãra kuitaa panuud̶eeba. Ab̶a makaburu ichimaa arakʉd̶e biꞌia berread̶ai.

Hechos 20:32

»Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 15:27

Mau ãbarã judiowãerãba kĩrajʉʉ mau chi nejarra ãbarã judiorã baita araa pesid̶au. Biawãra maka waud̶ai panasid̶au judiorãmaa dead̶ai baraa panasid̶aud̶eeba. Judiowãerãba ne joma biꞌia Dachi Akõre ʉ̃rʉbena judiorãd̶ebena adausid̶aud̶eeba, ãbarã judiorãmaa ne bia nau iujãad̶ebena dead̶ai panuu.

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Romanos 9:23

Maka dauchia jãadua b̶uasii ichi biꞌia b̶uu mechiud̶ebena ichiba kĩra chuburia b̶uu ẽbẽrarãmaa kuitaabiai baita. Ãchi ichiba naed̶e jʉrʉ adausii ichi biꞌia b̶uud̶ebena uru panad̶amera.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

1 Corintios 9:23

Mʉʉba joma mau kĩra waubarii chi bed̶ea bia Cristo ʉ̃rʉbena kuitaabii baita. Maka mʉa bid̶a Dachi Akõred̶ebena ne biꞌia adaui.

2 Corintios 11:14

Jãarã ʉ̃rʉbena machiba kauwa kʉ̃risiad̶ai adua panuuwãema. Satanás sid̶a ángel ʉ̃d̶aad̶ebena kĩra neebarii.

2 Corintios 5:5

Biawãra Dachi Akõreba dachi mau baita wausii. Ichi Jauri dachimaa deasii kuitaad̶amera joma ichiba deai jarad̶a biawãra adoed̶ayu.

Efesios 1:11

Dachi Akõreba ne joma ichiba wau kʉ̃ria b̶uu waubarii kĩra Cristod̶eeba dachi jʉrʉ adausii, nabẽraed̶eed̶e kʉ̃risia b̶uad̶a kĩra.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Efesios 4:6

Dachi Akõre ara ab̶aburu nii. Ichi jomaurã Akõrebʉ, jomaurã Mechiubʉ. Jomaurã sõd̶e b̶uu maud̶e jomaurãd̶eeba ichiba wau kʉ̃ria b̶uu waubarii.

Efesios 5:11

Pãriud̶ebenarãba kachirua waubadaud̶eeba ne bia neekau. Maud̶eeba arab̶au waurã́sturu, maumaarã kuitaabiásturu ãchiba waubadau kachiruabʉ.

Efesios 5:20

Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

Efesios 5:4

Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba. Maumaarã Dachi Akõremaa biꞌia b̶uu áduru.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Santiago 3:9

Dachi kẽrameba Dachi Bajãad̶ebena Mechiumaa biꞌia berreabadau maud̶e ara mau kẽrameba ẽbẽrarãmaa kachirua jarabadau, Dachi Akõreba mau ẽbẽra ara ichi kĩra waud̶amina.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

Apocalipsis 21:23

Ʉmadaswãe, jed̶akoswãe mau puuru ʉ̃d̶aa nub̶uabarii Dachi Akõre kĩrawãreaba maud̶e Oeja Kaebe Niiba ʉ̃d̶aa b̶uuba.

Apocalipsis 22:14

»Ãrea biꞌia duanuu chi paru tõd̶aped̶a jʉ̃ duanuu. Maarã puurud̶e ed̶a wãd̶ai panuu chi jõo ewaricha chokae b̶uai deabarii kod̶ai baita.

Apocalipsis 22:5

Ẽsabud̶ebena wãꞌãe bai. Dachi Akõre Mechiuba ʉ̃d̶aa deaid̶eeba, ẽbẽrarã ʉ̃d̶aaswãe biꞌia duanad̶ai maud̶e ʉmadaswãe. Ewaricha ãchi ichi ome ãbua chi karrarã nuread̶ai.