2 Timoteo 4:2 - Emberá Chamí

² Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

2 Timoteo 4:2 ပူးပေါင်းရင်းမြစ်များ

Lucas 7:23

Chi mʉʉd̶e ijãai ida b̶ukau nii biꞌia b̶uai.

Lucas 7:4

Maarã wãd̶aped̶a nau chi chuburia id̶isid̶au: «Jãu kokoroarã jaradea ua b̶uabarii ẽbẽra jipa nii. Maud̶eeba bichiba karibai b̶uu.

Lucas 9:60

Jesusba ichimaa jarasii: —Chi biuped̶aad̶aba chi biud̶arã jau b̶ud̶ai panuu. Maamina bichiba ẽbẽrarãmaa jarad̶e wãse Dachi Akõreba ichid̶irã ichi juad̶e ua b̶uu ʉ̃rʉbena.

Hechos 13:5

Salamina puurud̶e need̶aped̶a judiorã araa ãbua imibadau decha Dachi Akõre bed̶ea jaradeasid̶au. Ãchi aid̶ai baita Juan Marcos ãchi baara nibasii.

Hechos 16:13

Bari panabadau ewarid̶e dai puuru awara wãd̶aped̶a doed̶aa wãsid̶au. Kʉ̃risiasid̶au aria judiorãba Dachi Akõremaa ʉtaa id̶ibadau. Wãaduud̶e wẽrarã ãbua panuu unusid̶au. Jeed̶a akʉ paneed̶aped̶a daiba ãchimaa berreasid̶au.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

Hechos 28:16

Roma puurud̶e neesid̶aud̶e chi jʉ̃a duanuu kokoroarã jaradea ua b̶uabarii juad̶e duanusii. Ichiba Pablo du ab̶a ichi ded̶e ida b̶eebisii. Kokoroa ab̶a b̶usii ichi nu b̶uamera.

Romanos 10:15

Dachi Akõreba ab̶a bid̶a bʉiwẽebʉrã, ¿saka jaradead̶e wãd̶aima? Dachi Akõre bed̶ead̶e naka b̶ʉ kub̶uu: «Chi bed̶ea bia jarad̶e needuu ãrea biꞌia nuree».

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Gálatas 6:6

Chi bed̶ea ũri b̶uuba ichi ne bia uru b̶uud̶ebena deai b̶uu, chi Dachi Akõre bed̶ea jaradeabariimaa.

Colosenses 1:25

Dachi Akõreba mʉ ichi ẽbẽrarã baita trajabarii b̶usii. Maud̶eeba ichi bed̶ea joma arakʉd̶e machimaa jaradea b̶uu.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Tesalonicenses 1:6

Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

1 Tesalonicenses 5:20

Dachi Akõre baita berreabariiba jara b̶uu ida b̶urã́sturu.

1 Timoteo 4:13

Mʉ jãmaa wãaruumisa, jomaurã daad̶e Dachi Akõre bed̶ea jĩwa ed̶a jarase, jaradea b̶uase maud̶e ãbarã aid̶a b̶uase biꞌia ijãad̶amera.

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

2 Timoteo 2:21

Dachi sid̶a ara mau kĩra panuu. Dachiba kachirua ida b̶uuduubʉrã, Dachi Mechiu baita biꞌia nuread̶ai. Maka dachid̶ebena ichiba ne poyaa waui maud̶e ne joma biꞌia waud̶ai baita nuread̶ai.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

Tito 1:13

Mauba jarad̶a biawãrabʉ. Maud̶eeba mau ẽbẽrarã iadaa b̶uase biawãra bed̶ea ijãad̶amera, judiorãba nabẽraed̶ebena nebʉrʉbadau ida b̶ud̶amera maud̶e chi biawãra bed̶ea ijãad̶akaurãba jaradea panuu ijãarãad̶amera.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

Hebreos 13:22

Ãbarã, mʉʉba nau karta b̶aꞌãra b̶ʉsii machiba biꞌia ijãad̶amera. Maud̶eeba mʉʉba machimaa chi chuburia id̶iiruu nau bed̶ea bia ũrid̶amera.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.