2 Timoteo 4:14 - Emberá Chamí

¹⁴ Jiorrd̶eeba ne waubarii Alejandroba mʉ kachirua wausiid̶eeba Dachi Mechiuba kastikai.

2 Timoteo 4:14 ပူးပေါင်းရင်းမြစ်များ

Romanos 12:19

Ãbarã, ab̶auba machi kachirua wausiibʉrã ara mau kachirua waurã́sturu. Maumaarã ida b̶ústuru Dachi Akõreba kastikamera. Dachi Akõre bed̶ead̶e naka b̶ʉ kub̶uu: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra», a jara b̶uu Dachi Mechiuba.

Romanos 2:6

Ichiba jomaurãmaa deai ãchiba wauped̶aad̶a kĩra.

2 Tesalonicenses 1:6

Dachi Akõre jipa niiba ẽbẽrarã kastikabarii. Ichiba chi machi ãrea biꞌiwãe panabiabadau ãrea biꞌiwãe panabiai.

1 Timoteo 1:20

Maarãd̶ebena ab̶a Himeneo basii. Maud̶e ab̶a Alejandro basii. Maarã mʉʉba Satanás juad̶e b̶usii kuitaad̶amera Dachi Akõre ʉ̃rʉbena waa kachirua berrearãad̶amera.

2 Timoteo 4:15

Ichi ome kauwa b̶uase. Dachiba jaradea panuu ʉ̃rʉbena ichiba ãrea kachirua jarasii.

1 Juan 5:16

Machid̶ebena ab̶auba bichi ãba kachirua dachi biubikau wauruu unuuruubʉrã, ʉtaa id̶ii b̶uu. Maka Dachi Akõreba mau perdonaped̶a, chokae nibabii. Maamina dachi biubibarii kachirua baraubʉ. Mʉʉba jarawẽa b̶uu chi mau kachirua waubadaurã kakua ʉtaa id̶imera.

Apocalipsis 18:20

¡Joma bajãad̶e duanuu kĩrajʉ́sturu, jãu puuru ãrisiid̶eeba! Ẽbẽrarã Dachi Akõred̶erã, Jesusba bʉid̶arã maud̶e Dachi Akõre baita berreabadaurã kĩrajʉ́sturu. Dachi Akõreba jãu puuru kastikai machimaa miadaa wausiid̶eeba».

Apocalipsis 18:6

Jãu puuru kachirua wáusturu waabenarãmaa makasid̶au kĩra. Chi mauba jãka waabenarãmaa miadaa wausii baerã, b̶es ome kachirua wáusturu. Chi mauba waabenarãmaa miadaa wausii uva b̶aa asia doobai b̶uud̶e dobiaruu kĩra. Maud̶eeba maumaa b̶es ome miadaa wáusturu, uva b̶aa asia doobai b̶uud̶e b̶es ome dobiaruu kĩra.

Apocalipsis 6:10

Kĩrud̶eeba naka berreasid̶au: «Jomaurã Mechiu, bichi ãrea bia nii maud̶e biawãra berreabarii. ¿Bichiba sakaed̶e chi jãu iujãad̶ebenarã dai beaped̶aad̶a kakua kastikakuaima?»