2 Timoteo 4:10 - Emberá Chamí

¹⁰ Dachi ãba Cresente Galacia druad̶aa wã b̶uasii. Tito Dalmacia druad̶aa wã b̶uasii. Mau awara ãba Demasba chi nau iujãad̶ebena ãrea kʉ̃riasiid̶eeba mʉ ida b̶uped̶a Tesalónica puurud̶aa wãsii.

2 Timoteo 4:10 ပူးပေါင်းရင်းမြစ်များ

Mateo 12:32

Ab̶auba mʉ, chi Ẽbẽra Ba B̶uad̶a ʉ̃rʉbena kachirua berrearuubʉrã Dachi Akõreba mau perdonai. Maamina ab̶aba Dachi Akõre Jauri kachirua berrearuubʉrã, Dachi Akõreba mau perdonaabai. Nau ewarid̶e maebʉrã mau ewari neeruud̶e, mau kachirua berrea b̶uad̶a kakua perdonaabai.

Mateo 26:56

Maamina joma nau wau panuu Dachi Akõre baita berreabadaurãba b̶ʉped̶aad̶a makamera. Maka b̶uud̶e joma chi ichi baara nibabadaurãba mau b̶ʉid̶aped̶a jĩichoasid̶au.

Lucas 14:33

»Ara mau kĩra mʉ baara wãd̶ai naed̶e machid̶ebenarã ab̶a joma chi uru b̶uu ida b̶ui ʉ̃rʉbena kʉ̃risiawẽebʉrã mʉ ome poyaa nibaabai.

Lucas 16:13

»Chi chibari baita bari trajabarii ab̶a bid̶a chi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai».

Lucas 17:32

Lot wẽra makad̶a ʉ̃rʉbena kĩrabásturu.

Hechos 13:13

Pablo maud̶e ichi ome nibad̶a Pafos puurud̶ebena Panfilia druad̶aa jãbad̶e wãsid̶au. Aria puurud̶e neesid̶au. Maamina Juan Marcosba ãchi b̶ʉiped̶a Jerusalend̶aa waya wãsii.

Hechos 15:38

Maamina Pabloba mau adoe kʉ̃riabasii, mau Juan Marcosba ãchi naed̶e Panfilia druad̶e b̶ʉisiid̶eeba, maud̶e ãchi baara chi Dachi Akõre traju wau nibai ida b̶usiid̶eeba.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:1

Pablo, Silas maud̶e chi ãchi baara nibaped̶aad̶a Anfípolis puurud̶e maud̶e Apolonia puurud̶e wãd̶aped̶a Tesalónica puurud̶e neesid̶au. Aria judiorã araa ãbua imibadau de kub̶uasii.

Hechos 17:11

Berea puurud̶ebena judiorã Tesalónica puurud̶ebenarã kĩra panad̶aabasii. Maumaarã Jesús ʉ̃rʉbena ũri kʉ̃ria panasid̶au. Ewaricha Dachi Akõre bed̶ea ãrea kauwa ichiabachid̶au chi ãchiba jara panuu biawãra kuitaad̶ai baita.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

2 Corintios 2:13

Maamina mʉ ãba Tito unuwẽed̶eeba jirukaraa b̶uasii. Maud̶eeba ãbarã ome araa ãbua neesiid̶e mʉ wãi asii. Ara makʉd̶e Macedonia druad̶aa Tito jʉrʉd̶e wãsii.

2 Corintios 7:6

Maamina Tito neesiid̶e dai kĩrajʉʉbiasii Dachi Akõreba chi kĩra nomaa nuree kĩrajʉʉbiabariid̶eeba.

2 Corintios 8:16

Mʉʉba Dachi Akõremaa ichíturu kid̶ibai abarii. Ichiba Titomaa sõd̶eeba machi kʉ̃ria b̶uabisii mʉʉba machi kʉ̃ria b̶uu kĩra.

2 Corintios 8:23

Barikiuba Tito ʉ̃rʉbena id̶iiruubʉrã jarásturu ichi mʉ baara nibabarii maud̶e mʉ ome machi tãed̶e Dachi Akõre traju wau b̶uu. Barikiuba chi maarã ome ʉ̃rʉbena id̶iiruubʉrã jarásturu chi ãbarãba maarã bʉiped̶aad̶arã maud̶e ãchi kakua Cristo ʉ̃rʉbena biꞌia berrea panuu.

2 Corintios 8:6

Maud̶eeba daiba Titomaa chi chuburia id̶isid̶au machimaa jarad̶e wãmera joma machiba sõbiad̶eeba dead̶ai aped̶aad̶a biawãra ped̶ai baita.

Gálatas 1:2

Mʉʉba nau karta b̶ʉʉruu ãbarã Galacia druad̶ebenarã baita. Joma ãbarã mʉ ome panuurãba kʉ̃ria panuu,

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

1 Timoteo 6:10

Chi nejarra kʉ̃ria b̶uud̶eeba ne kachirua ãrea neebarii. Ara mau kʉ̃ria panuud̶eeba waabenarãba Cristod̶e ijãa panad̶a ida b̶usid̶au. Maka ãchi ãrea biꞌiwãe panasid̶au.

1 Timoteo 6:17

Nau druad̶e barau nureerãmaa jarase waabenarã audeara mechiu nuree kʉ̃risiarãad̶amera. Ãchiba ne uru panuu ãrea b̶uakaud̶eeba jarase mau baita biꞌia panad̶ai kʉ̃risiarãad̶amera. Dachi Akõréturu kʉ̃risiad̶ai panuu. Ichiaburu dachimaa ne joma wãꞌãekaraa deabarii jirukaraayuwãe nuread̶amera.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.

2 Pedro 2:15

Dachi Akõre o jipa b̶uu ida b̶ud̶aped̶a o ãyaa wãsid̶au. Beor warr Balán abadauba waud̶a kĩra waubadau. Balán chi nejarra kʉ̃ria b̶uasiid̶eeba chi nejarra baita kachirua waui kʉ̃risiasii.