2 Timoteo 3:3 - Emberá Chamí

³ Waabenarã kʉ̃riad̶akau panad̶ai, kĩra chuburiad̶akau panad̶ai, waabenarã ʉ̃rʉbena bed̶ea kachirua jara panad̶ai, kachirua waud̶ai baita poyaa ida b̶ud̶akau panad̶ai, chĩo ãrea panad̶ai maud̶e biꞌia b̶ee joma ida b̶u panad̶ai.

2 Timoteo 3:3 ပူးပေါင်းရင်းမြစ်များ

Mateo 10:21

»Chi ãbaba ara ichi ãba beabii. Chi akõreba ara ichi warr beabii. Maud̶e chi warrarã ãchi akõrerã ome kĩrud̶aped̶a beabiad̶ai.

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Lucas 16:14

Jesusba jarad̶a fariseorãba joma ũri duanasid̶au. Ãchiba chi nejarra kʉ̃riabadaud̶eeba Jesús atua jara kopaneesid̶au.

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Romanos 1:29

Ne joma kachirua waubadau. Mia pera b̶uu waubadau, ne joma uru panad̶ai kʉ̃riabadau, waabenamaa kachirua waubadau, waabenarãba uru panuu kakua kachirua kʉ̃risiabadau, mia beabadau, berreayaa panabadau, waabenarã setaa kũruabadau maud̶e waabenarã ʉ̃rʉbena kachirua kʉ̃risiabadau.

Romanos 1:31

Kʉ̃risiaswãe nuree. Ãchiba bed̶ea deaped̶aad̶a waud̶akau. Kʉ̃risiaswãe nuree maud̶e waabenarã kĩra chuburiad̶akau.

1 Corintios 7:5

Machi kakua machi kimamaa wãakarã́sturu. Dachi Akõremaa ʉtaa id̶i kʉ̃riaduud̶e, bed̶ea deásturu, mau ewarid̶e ãbua kãi b̶eed̶aabai baita. Maamina kãꞌãa maka panad̶aabai panuu. Mau maad̶akare, waya ãbua kãi b̶eei panuu, machi kakuaba kʉ̃ria b̶uu jãaduad̶awẽa paneeduud̶e, Satanasba kachirua waubiarãamera.

1 Corintios 7:9

Maamina machi kakuaba kʉ̃ria b̶uu poyaa jãaduad̶awẽebʉrã, kima adaud̶ai panuu. Machi kakuaba kʉ̃ria b̶uu ʉ̃rʉbena ãrea kʉ̃risia b̶uai audeara biꞌia b̶uu kima adaud̶ai.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

Santiago 2:6

Maamina machiba chi mau chi nejarr barauwãe nii biꞌia nii ichiad̶akau. Mʉʉba id̶iiruu: ¿Kairãba machi kachirua waubadama? Chi maka waubadaurã ¿chi nejarra barau nureewãeka? ¿Maarãba machi juezrãmaa erta adoebadauwãeka?

2 Pedro 2:14

Ãibena wẽra ome kãi paneebadau. Ne joma kachirua wau b̶uuba kĩrased̶akau. Chi ãrea ijãawẽa nuree setaa kũruabadau. Ne joma kʉ̃riabadau. Mau kakua Dachi Akõreba ãchi nebʉra ichiai.

2 Pedro 2:19

Maarã jarabadau ijãaduubʉrã, biꞌia paneed̶ai abadau, chi chibari baita bari trajabarii ichi chibari juakaa miru wãaruu kĩra. Maamina kachirua poyaa ida b̶ud̶akaud̶eeba biꞌia paneebai. Mauba ãchi kachirua baita bari trajabadaurã babiai. Biawãra barikia kachirua poyaa ida b̶ud̶aabaibʉrã, dachi mau baita bari trajabadaurãbʉ.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

Judas 1:18

Machimaa naka jarasid̶au: «Kaad̶earebena ewarid̶e baraai ẽbẽrarãba Dachi Akõremaa atua jarabadaurã maud̶e ãchi kakuaba waubii kʉ̃ria b̶uu wau panabadaurã».

Apocalipsis 13:15

Mau iorod̶ebena awara need̶amaa ida kabisii chi ãnimara kuenda juaba ne kaped̶aad̶a ʉ̃yaba deamera maud̶e berreabimera. Maabae chi iorod̶ebena awara need̶aba chi ãnimara kuenda juaba ne kaped̶aad̶a ãrea kʉ̃riad̶awẽerã beabiasii.

Apocalipsis 13:17

Mau seña uru nuréburu nedod̶ai panasid̶au maud̶e poyaa nedobʉid̶ai panuu. Mau seña chi ãnimara mard̶ebena awara need̶a trʉ̃ basii maebʉrã ichi trʉ̃ número basii.

Apocalipsis 16:6

Maarãba bichi ẽbẽrarã maud̶e chi bichi baita berreabadaurã oa chebiasid̶au. Maud̶eeba id̶i bichiba maarãmaa oa dobiamaa b̶uu maka chi kachirua wauped̶aad̶a kĩra».

Apocalipsis 17:6

Mʉʉba ichiasiid̶e kuitaasii mau wẽra ẽbẽrarã Dachi Akõred̶erã oaba itua biu b̶uasii, chi Jesusd̶e ijãabadaurã maud̶e chi ichi ʉ̃rʉbena jarabadaurã beaped̶aad̶a oaba. Mau wẽra unud̶akare kãare kʉ̃risiai adua basii.