2 Timoteo 3:16 - Emberá Chamí

¹⁶ Dachi Akõreba joma Ichi Bed̶ea b̶ʉbisii. Joma mau biꞌia b̶uu jaradeai baita, kachirua wau nuree kastikai baita, biꞌiwãe wau nuree jipa wau kuitaabiai baita maud̶e saka kĩra jipa nibad̶ai kuitaabiai baita.

2 Timoteo 3:16 ပူးပေါင်းရင်းမြစ်များ

Mateo 13:52

Maud̶e Jesusba jarasii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena Moisesba b̶ʉd̶a jaradeabariiba kuitaaruubʉrã, de chibari kĩra b̶uu. Ichiba chi ne kaebea bia wid̶i pe nub̶uumarebena maud̶e chi ne kaebea bia nabẽraed̶ebena sid̶a unubibarii.

Mateo 21:42

Maud̶e Jesusba ãchimaa jarasii: —Ara mau kĩra Dachi Akõreba machi audeara waabenarã ichi juad̶e ua b̶uai. Maarãburu ichiba kʉ̃ria b̶uu waud̶ai. Machiba ¿Dachi Akõre bed̶ea ed̶a jarad̶awẽa panuu kĩra? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii. Dachi Mechiuba maka waud̶ad̶eeba dachimaarã ãrea biꞌia b̶uu”.

Mateo 22:43

Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii:

Mateo 26:54

Maamina maka wauruubʉrã ichi Bed̶ead̶e mʉ ʉ̃rʉbena b̶ʉ kub̶uu ¿saka makaima?

Mateo 26:56

Maamina joma nau wau panuu Dachi Akõre baita berreabadaurãba b̶ʉped̶aad̶a makamera. Maka b̶uud̶e joma chi ichi baara nibabadaurãba mau b̶ʉid̶aped̶a jĩichoasid̶au.

Marcos 12:24

Maud̶eeba Jesusba panausii: —Machiba Dachi Akõre bed̶ea maud̶e chi poyaabarii adua panuud̶eeba biꞌia kʉ̃risiad̶awẽa panuu.

Marcos 12:36

Ara mau Davidba Dachi Akõre Jaurid̶eeba naka jarasii: Dachi Mechiuba mʉ mechiu niimaa jarasii: mʉ jua biare akʉ b̶eese ab̶a bichi kĩramaarã mʉʉba joma bichi juad̶e b̶uuruud̶aa.

Juan 10:35

Dachiba kuitaa panuu Dachi Akõre bed̶ea ewaricha biawãrabʉ. Dachi Akõreba mau ẽbẽrarãmaa “Machi dachi akõrerãbʉ” asiid̶e

Juan 3:20

Joma chi kachirua waubadaurãba ʉ̃d̶aa kʉ̃riad̶akau. Ʉ̃d̶aad̶aa need̶akau ãchiba kachirua wau panuu kuitaarãad̶amera.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Hechos 18:25

Mau Apolosmaa naed̶e Dachi Mechiu Jesús O ʉ̃rʉbena jaredeabachid̶au. Jesús ʉ̃rʉbena ãrea kĩrajʉʉ berreabachii maud̶e arakʉd̶e jaradea b̶uabachii. Maamina boro eai ʉ̃rʉbena chi Juanba jaradea b̶uad̶áturu kuitaa b̶uasii.

Hechos 20:20

Maamina mʉʉba jomaurã daad̶e maud̶e machi decha machi aid̶ai baita jaradea b̶uabachii. Chi machi baita aude bibuara b̶uu jaradea b̶uabachii.

Hechos 28:25

Maud̶eeba kĩru berread̶aped̶a wãuriiduu basii. Maud̶e Pabloba naka jarasii: —Dachi Akõre Jauriba machi nabẽraed̶ebenarãmaa biawãra bed̶ea Dachi Akõre baita berreabarii Isaiasd̶eeba naka jarasii:

Romanos 15:4

Joma Dachi Akõre bed̶ead̶e b̶ʉd̶a dachimaa jaradeai baita b̶uu. Dachi sõbiabiabarii maud̶e aid̶abarii joma dauchia jãadua panad̶amera. Maka dachiba biawãra kuitaa panuu Dachi Akõre ome ewaricha biꞌia panad̶ai.

Romanos 2:20

Moisesba b̶ʉd̶a uru panuud̶eeba kʉ̃risia panuu joma kʉ̃risia kuitaa uru panuu maud̶e biawãra bed̶ea sid̶a kuitaa panuu. Maud̶eeba kʉ̃risia panuu chi kʉ̃risiaswãe nureerãmaa maud̶e chi wabid̶a ãrea adua nureerãmaa bid̶a poyaa jaradea panad̶ai.

Romanos 3:2

Makawãema. Ãread̶e judiorã bai ãrea biꞌia b̶uu. Naa mʉʉba jaraaruu maka panuu Dachi Akõreba ichi bed̶ea maarãmaa deasiid̶eeba.

Romanos 4:23

Chi Dachi Akõre bed̶ead̶e maka b̶ʉ kub̶uu ichi ʉ̃rʉbenáturu b̶ʉʉbasii.

1 Corintios 12:7

Dachi Akõre Jauriba dachicha ne waubiabarii ãbarã jomaurã aid̶ad̶amera.

Gálatas 3:8

Nabẽraed̶e Dachi Akõre bed̶ead̶e b̶ʉ kub̶uu judiowãerãba Dachi Akõred̶e ijãaped̶aad̶a basirã ichiba ãchi ichid̶irã jipa nureerã baara b̶ui basii. Maud̶eeba nabẽraed̶e Dachi Akõreba Abrahammaa chi bed̶ea bia berreasii. Ichiba naka jarasii: «Bichi kakua mʉʉba nau iujãad̶e duanuu puuru joma karibai».

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Hebreos 11:1

Dachiba Dachi Akõred̶e ijãa panuud̶eeba kuitaa panuu chi dachiba esed̶aubadau mau biawãra adaud̶ai. Maud̶e chi dachiba unud̶akau mau b̶uabarii kuitaa panuu.

Hebreos 3:7

Maud̶eeba Dachi Akõre Jauriba naka jara b̶uu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra. Maarã drua sirua wãꞌãe b̶uud̶e duanasid̶aud̶e Dachi Akõreba jarad̶a ida b̶usid̶au ichiba kãare waui kuitaad̶ayua.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.