2 Timoteo 3:13 - Emberá Chamí

¹³ Maud̶e ẽbẽra kachiruarãba maud̶e waabenarã setaa kũruabadaurãba aude kachirua wau panad̶ai. Waabenarã setaa kũrua panad̶ai maud̶e waabenarãba ãchi setaa kũruad̶ai.

2 Timoteo 3:13 ပူးပေါင်းရင်းမြစ်များ

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.

1 Timoteo 4:1

Dachi Akõre Jauriba arakʉd̶e jara b̶uu nau kaad̶ebena ewarid̶e waabenarãba Cristod̶e ijãa panaped̶aad̶a ida b̶ud̶aped̶a jai kachirua seta id̶aa nuree maud̶e ãchiba jaradeabi panuu ijãad̶ai.

2 Timoteo 3:8

Jãarã setaa jaradeabadaurã chi biawãra bed̶ea ida b̶ubadau. Janes maud̶e Jambres abadau kĩra waubadau, chi Moisés bed̶ea ida b̶uped̶aad̶arã. Ãchiba kʉ̃risia kachirua kʉ̃risiabadau maud̶e biawãra Cristod̶e ijãad̶akau.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

2 Pedro 2:20

Jesucristo Dachi Mechiu maud̶e Dachi Karibabarii kuitaa panuud̶eeba nau iujãad̶e b̶uu kachiruad̶ebena karibasid̶au. Maamina jʉ̃karad̶e bʉra paneeduu kĩra waya kachirua wauduubʉrã, naa panad̶a audeara kachirua paneed̶ai.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.