2 Timoteo 3:12 - Emberá Chamí

¹² Biawãra joma Jesucristod̶e ijãabadaurã, Dachi Akõre daad̶e biꞌia nibad̶ai kʉ̃riabadaurã, ẽbẽrarãba wãraad̶ai kachirua waud̶ai baita.

2 Timoteo 3:12 ပူးပေါင်းရင်းမြစ်များ

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 23:34

Mʉʉba Dachi Akõre baita berreabadaurã, kʉ̃risia kuitaa nuree maud̶e Moisesba b̶ʉd̶a jaradeabadaurã machimaa bʉikaaruu. Maamina machiba maarã bead̶ai maud̶e waabenarã cruzd̶e jirab̶ud̶ai. Waabenarã machi judiorã araa ãbua imibadau ded̶e soaba ped̶ai maud̶e puurucha wãraad̶ai biꞌiwãe paneebiad̶ai baita.

Marcos 10:30

ichiba b̶ʉid̶a audeara nau ewarid̶e 100 adaui: de, ãbarã, neekau, nawe, warrarã maud̶e ichi drua. Ẽbẽrarãba ichi kachirua waud̶ai baita wãraad̶ai maamina kaad̶ebena ewarid̶e Dachi Akõre ome ewaricha chokae b̶uai.

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 17:14

Bichiba jarad̶a mʉʉba maarãmaa jaradeasii. Maamina nau iujãad̶ebenarãba maarã kĩramaabadau mʉ kĩramaabadau kĩra, nau iujãad̶ebenarãwãed̶eeba.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

1 Corintios 15:19

Dachiba Cristod̶eeba nau iujã́d̶eburu biꞌia nuread̶ai kʉ̃risia panuubʉrã, jomaurã audeara miichuburi nuree.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 4:9

Ẽbẽrarãba dai kachirua wau panumina Dachi Akõreba ida b̶uwẽa b̶uu. Dai jeed̶a jirataadumina poyaa bead̶aabai.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

1 Timoteo 6:3

Ab̶auba ãyaa jaradearuubʉrã, Dachi Mechiu Jesucristoba jipa jaradead̶a makawãema aaruubʉrã, maud̶e dachi jipa nibad̶ai ʉ̃rʉbena sid̶a ãyaa jaradearuubʉrã,

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

1 Pedro 3:14

Maamina biꞌia wau panuud̶eeba ãrea biꞌiwãe duanuubʉrã, Dachi Akõre daad̶e ãrea biꞌia nuread̶ai. Maud̶eeba chi machi kachirua wauduu wapearã́sturu. Ãrea jirukaraarã́sturu.

2 Pedro 3:11

Ne joma wãꞌãe baid̶eeba machi Dachi Akõreba kʉ̃ria b̶uu kĩra jipa maud̶e kachiruaswãe nibad̶ai panuu.

Apocalipsis 12:4

Chi druu neapesiid̶e pusterrearã bajãad̶ebenarã beraa mita b̶aesid̶au nau iujãad̶e. Mau dragón wẽra warr adaui baita b̶uumare b̶ari nub̶eesii chi warr adauruud̶e mii baita.

Apocalipsis 7:14

Mʉʉba panausii: —Bichiaburu kuitaa b̶uu. Maabae ichiba jarasii: —Naarã ẽbẽrarã́turu karibasid̶au chi kaad̶ebena ãrea biꞌiwãe panabiai ewari. Maarã chi Oeja Kaebe Nii oaba ãchi paru torroa jeraasid̶au.