2 Timoteo 2:24 - Emberá Chamí

²⁴ Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

2 Timoteo 2:24 ပူးပေါင်းရင်းမြစ်များ

Mateo 12:19

Ichi kĩru kub̶uuba berreabai maud̶e kĩrubid̶eeba b̶iabai. Maud̶eeba ab̶au bid̶a ichi berrearuu puurud̶e ũrid̶aabai.

Juan 6:52

Maka b̶uud̶e judiorã chiya kĩru berrea bara b̶eesii: —¿Saka ichiba ichi kakua dachimaa kobiaima?

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 23:9

Biawãra maud̶eeba mia ũrimaa bara b̶eesii. Chi nuree fariseo baara duanuu Moisesba b̶ʉd̶ad̶e jaradea panabadaurã b̶ari topaneed̶aped̶a jarasid̶au: —Jãu mukĩraba ne kachirua wauwẽa b̶uu, asid̶au. ¿Jauri ab̶aba jãka ichimaa berreabisii, maebʉrã ángel ab̶aba? Maka b̶uubʉrã ¿saka Dachi Akõre ome chĩod̶aima?

Hechos 7:26

Norema Moisesba unusii Israeld̶ebena ome chĩo panuu. Ãchi jua dead̶amera naka jarasii: “¡Machi arab̶au puurud̶ebenabʉ! ¿Sakãe jãka chĩo panuma?”

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 10:4

Daiba chĩod̶ai baita uru panuu nau iujãad̶ebenawãema, maumaarã Dachi Akõre poyaabariid̶eeba joma nau iujãad̶ebena kʉ̃risiabadau daiba poyaabadau.

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 4:2

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Filipenses 2:14

Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

1 Tesalonicenses 2:7

Maumaarã daiba kʉ̃ria panuud̶eeba machi kariba panasid̶au chi naweba chi warrarã nubarii kĩra.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Tito 1:9

Chi biawãra bed̶ea ichimaa jaradeaped̶aad̶a ãrea ijãa b̶uai b̶uu. Maka ichiba biawãra bed̶ea jipa jaradea b̶uud̶eeba ẽbẽrarã poyaa aid̶ai biꞌia ijãad̶amera maud̶e chi biawãra bed̶ea kachirua abadaurãmaa poyaa kuitaabiai maarãba biꞌiwãe kʉ̃risia panuu.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

Santiago 4:2

Machiba ne adaud̶ai ãrea kʉ̃riabadamina poyaa adaud̶akau. Maud̶eeba mia beabadau. Waabenarãd̶e ne kaebea adaud̶ai kʉ̃riabadau. Maamina poyaa adaud̶akaud̶eeba oa kachirua berreabadau maud̶e chĩobadau. Machiba chi kʉ̃ria panuu adaud̶akau, Dachi Akõremaa ʉtaa id̶id̶akaud̶eeba.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.