2 Timoteo 2:2 - Emberá Chamí

² Mʉʉba ẽbẽrarã ãrea daad̶e jaradea b̶uad̶a bichiba ũrisii. Ara mau jaradea b̶uad̶a bichia bid̶a waabenarã ãbarãmaa jarabʉise waabenarãmaa mau jaradead̶amera. Waabenarãba ãchi ijãad̶ai panuu maud̶e poyaa bia jaradead̶ai panuu.

2 Timoteo 2:2 ပူးပေါင်းရင်းမြစ်များ

Mateo 13:52

Maud̶e Jesusba jarasii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena Moisesba b̶ʉd̶a jaradeabariiba kuitaaruubʉrã, de chibari kĩra b̶uu. Ichiba chi ne kaebea bia wid̶i pe nub̶uumarebena maud̶e chi ne kaebea bia nabẽraed̶ebena sid̶a unubibarii.

Mateo 24:25

Mau joma mʉʉba machimaa jarasii makai naed̶e.

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

1 Corintios 4:2

Biawãra chi chibari baita bari trajabariiba ichi jaradea ua b̶uabariiba waubi b̶uu joma jipa wau b̶uai b̶uu chi jaradea ua b̶uabariiba biꞌia unumera.

2 Corintios 2:14

Dachi Akõremaa bichíturu kid̶ibai ad̶ai panuu. Jesucristoba joma poyaaped̶a jomaurã daad̶e puurud̶e dai adoeruu maud̶e daid̶eeba druacha ichi ʉ̃rʉbena kuitaabi b̶uu. Cristo ʉ̃rʉbena jaradea panuud̶e Dachi Akõre daad̶e dai kera kĩra tuwaa panuu. Maud̶e ichi ʉ̃rʉbena kuitaai, mau kera kĩra b̶uu. Chi Dachi Akõreba karibai panuu ẽbẽrarãba maud̶e chi karibaabai panuu ẽbẽrarãba mau kera ʉ̃badau.

2 Corintios 3:5

Daiba poyaa jarad̶aabai ara dai du ab̶a Dachi Akõre traju poyaa waud̶ai panuu. Maumaarã kuitaa panuu Dachi Akõred̶eeba joma poyaa waud̶ai.

Colosenses 1:7

Mau bed̶ea dachi ãba Epafrasba machimaa kuitaabiasii. Ichi daiba biawãra kʉ̃ria panuu. Dai ome arab̶aud̶e wau b̶uu. Ichi Cristo baita bari trajabariibʉ. Machi aid̶ai baita ne jomad̶e jipa waubarii.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

1 Timoteo 1:18

Mʉ warr Timoteo, mʉʉba Dachi Akõreba naa jarabʉid̶a bichi ʉ̃rʉbena kʉ̃risiaruud̶e, bichiba waui b̶uu jarabʉiruu. Maka Cristod̶e ijãa b̶uud̶eeba, kʉ̃risia jipa b̶uud̶eeba chi biawãra bed̶ea uru b̶uase waabenarã tãed̶e kokoroa chĩobarii kĩra. Waabenarãba mau kʉ̃risia bia uru panad̶a ida b̶ud̶aped̶a ãchiba Cristod̶e ijãa panuu ida b̶usid̶au.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

1 Timoteo 5:22

Bichi jua ab̶au ʉ̃rʉ bid̶a isa kub̶urã́se, ijãabadaurã nubarii b̶uamera. Bichiba maka wauruubʉrã, mauba kachirua waud̶abʉrã bichi sid̶a nebʉrad̶e b̶uai mau kachirua baita. Joma kachiruad̶ebena awara b̶uase.

1 Timoteo 6:12

Cristod̶e ne joma ijãa b̶uase biꞌia chĩobarii kĩra. Maka bichi ewaricha Dachi Akõre ome chokae b̶uai. Ãrea panuurã daad̶e, bichiba Cristod̶e ijãa b̶uu jarasiid̶e Dachi Akõreba bichi iusii mau chokae b̶uai uru b̶uamera.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

2 Timoteo 3:14

Maamina bichiba kuitaad̶a chi biawãra kʉ̃risia b̶uud̶eeba, maud̶e nibase. Bichiba kuitaa b̶uu bichimaa jaradeaped̶aad̶aba jipa jaradeaped̶aad̶abʉ.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.