2 Timoteo 2:19 - Emberá Chamí

¹⁹ Maamina ẽbẽrarã Dachi Akõred̶erãba Cristod̶e ãrea ijãa panuu de jʉ̃rʉ kad̶aba de chaarea uru b̶uabarii kĩra. De poraamaa ne b̶ʉ nubadau kĩra, Dachi Akõreba naka jarasii: «Dachi Mechiuba joma ichid̶irã kuitaa b̶uu». Maud̶e jarasii: «Joma Dachi Mechiud̶e ijãa panuu abadaurãba kachirua ida b̶ud̶ai panuu».

2 Timoteo 2:19 ပူးပေါင်းရင်းမြစ်များ

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Mateo 7:23

Maud̶e mʉʉba arakʉd̶e jaraaruu: “Kachirua waubadaurã, ãyaa wã́sturu. Mʉʉba machi unukau”.

Mateo 7:25

Maud̶e kui che kob̶eesii, pũatu ãrea pũatu kob̶eesii maud̶e do chesii, maamina chi de b̶aebasii mo ʉ̃rʉ wau kub̶uasiid̶eeba.

Marcos 12:16

Ara makʉd̶e adoesid̶au. Maud̶e Jesusba id̶isii: —¿Kai kĩedarrma nau chi sẽetaod̶e b̶uu? ¿Kai trʉ̃ b̶ʉ kub̶uma? Ãchiba panausid̶au: —Romad̶ebena chi aude mechiu niid̶e.

Marcos 13:22

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Lucas 13:27

Maud̶e ichiba machimaa jaraaruu: “Mʉʉba machi kai aduama maud̶e samabena aduama. Kachirua waubadaurã, ãyaa wã́sturu”.

Lucas 6:48

Mau ẽbẽraba de wauruu kĩra b̶uu. Mau ẽbẽraba ãrea id̶u korosii ab̶a mo chaarea unuuruud̶aa. Mau ʉ̃rʉ de jʉ̃rʉ ʉyaa nub̶usii. Mau de chaarea ãrea nub̶uud̶eeba do ãrea cheeruud̶e b̶aebasii.

Juan 10:14

»Mʉ oeja nubarii biabʉ. Mʉʉd̶erã kuitaa b̶uu, chi oeja nubariiba ichi oeja kuitaa b̶uu kĩra. Maud̶e maarãba mʉ kuitaa panuu.

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Juan 3:33

Chi ichi bed̶ea ijãa b̶uuba kuitaa b̶uu Dachi Akõreba jara b̶uu biawãrabʉ.

Hechos 11:26

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Hechos 15:17

Maka chi waabena ẽbẽrarã, joma judiowãerã chi mʉʉba jʉrʉ adaud̶arãba mʉ jʉrʉd̶ai.

Hechos 9:14

Mau awara paare mechiurã trʉ̃d̶eeba nau puurud̶aa nee b̶uu chi bichid̶e ijãa nuree joma jidau uad̶oi baita.

Romanos 11:2

Dachi Akõreba naed̶e israeld̶ebenarã jʉrʉ adausii ichi puuru b̶uamera. Maud̶eeba ãchi ida b̶uwẽa b̶uu. Machiba Dachi Akõre bed̶ead̶e Elías ʉ̃rʉbena b̶ʉd̶a kuitaa panuu. Eliasba Dachi Akõremaa israeld̶ebenarã ʉ̃rʉbena naka biꞌiwãe jarasii.

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.

Romanos 15:20

Biawãra chi bed̶ea bia Cristo ʉ̃rʉbena mʉʉba jaradea kʉ̃ria b̶uu chi wabid̶a ũrid̶akaurãmaa. Ab̶auba jaradea b̶uumaa mʉ traja kʉ̃riawẽma.

Romanos 15:9

Maud̶e Cristo neesii judiowãerãba Dachi Akõremaa biꞌia berread̶amera ãchi kĩra chuburiasiid̶eeba. Mau ʉ̃rʉbena Dachi Akõre bed̶ead̶e naka b̶ʉ kub̶uu: «Mʉʉba bichi judiowãerã tãed̶e biꞌia berreai. Mʉʉba bichimaa biꞌia karii».

Romanos 8:28

Mau awara Dachi Akõreba kʉ̃risia b̶uad̶a kĩra chi ichi kʉ̃riabadau ichiba iukuasii. Dachiba kuitaa panuu maarã baita Dachi Akõreba ne jomad̶e biꞌia waubarii.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

1 Corintios 8:3

Maamina ab̶auba Dachi Akõre kʉ̃ria b̶uubʉrã, Dachi Akõreba mau kuitaa b̶uu.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

Efesios 3:15

Ichiba joma bajãad̶e nuree maud̶e nau iujãad̶e nuree wausii maud̶e ichid̶eeba nuree.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

1 Timoteo 6:19

Maka biꞌia wau panuud̶eeba ne kaebea pe nub̶uumaa panuu ewari ab̶a neeruud̶e biꞌia panad̶ai baita. Ara maud̶e ãchi biawãra chokae panad̶ai.

Hebreos 11:10

Abraham maka b̶uabachii, bajãad̶e b̶uu puuru wãꞌãekaud̶aa b̶uad̶e wãi baita kʉ̃ria b̶uasiid̶eeba. Mau puuru Dachi Akõreba ãrea kʉ̃risiaped̶a joma wausii.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 21:14

Mau puuru ad̶u pũ kub̶uu mo 12 ʉ̃rʉ pũ kub̶uasii. Moocha Oeja Kaebe Niiba chi 12 bʉid̶ad̶ebena trʉ̃ ab̶a b̶ʉ poebasii.

Apocalipsis 22:4

Ichi kĩedarr unud̶ai maud̶e ichi trʉ̃ ãchi daub̶ʉʉrʉd̶e b̶ʉ uru nuread̶ai.

Apocalipsis 3:8

Naka jara b̶uu: »Machiba wau panuu mʉʉba kuitaa b̶uu. ¡Ũrísturu! Mʉʉba poraa ab̶a machi daad̶e ewasii. Mau ab̶au bid̶a poyaa jʉ̃abai. Machi meserãa ãreawãe nuremina, mʉ bed̶ea ãrea ijãabadau. Mʉ istu b̶ud̶awẽa panuu.