2 Timoteo 1:9 - Emberá Chamí

⁹ Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 1:9 ပူးပေါင်းရင်းမြစ်များ

Mateo 1:21

Mariaba warr ab̶a adaui. Mau warrba ichi puuru ãchi kachiruad̶ebena karibakuai. Maud̶eeba mau trʉ̃ Jesús b̶use».

Lucas 10:21

Maka berrea panuud̶e Jesús Dachi Akõre Jaurid̶eeba ãrea kĩrajʉʉ nub̶eesii. Maud̶eeba Dachi Akõremaa naka jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii. Maerã, Chacha, bichiba maka wausii maka waui kʉ̃ria b̶uasiid̶eeba.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 17:9

»Mʉʉba bichimaa id̶ii maarã karibamera. Mʉʉba bichimaa id̶iwẽa b̶uu nau iujãad̶ebenarã baita. Maumaarã bichiba mʉʉmaa dead̶arã báitaburu id̶i b̶uu, maarã bichid̶id̶eeba.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Hechos 15:18

Dachi Mechiuba maka jara b̶uu. Ichiba nabẽraed̶eed̶ebena joma mau arakʉd̶e kuitaabia b̶uu”.

Hechos 2:47

Ãchiba Dachi Akõremaa biꞌia berreabachid̶au. Maud̶e waabenarãba ãchi biꞌia unubachid̶au. Maud̶e Dachi Mechiuba ewaricha ẽbẽrarã karibabachii. Maka Dachi Akõreba ãchi ãrea bawaabiasii.

Romanos 11:14

Mʉʉba judiowãerãmaa jaradea b̶uud̶eeba kʉ̃ria b̶uu mʉ ẽbẽrarã judiorã bid̶a mau bed̶ea ũrid̶ai jiwaa panuu kĩra. Maka Dachi Akõreba ãchid̶ebena chi nuree karibai.

Romanos 11:29

Biawãra Dachi Akõreba dead̶a juakaa adaukau. Ichiba iud̶a ida b̶ukau.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Romanos 9:24

Dachi mau ẽbẽrarãd̶ebenabʉ. Dachi Akõreba dachi joma iusii. Chi nuree judiorãbʉ maamina chi nuree judiowãerãbʉ,

1 Corintios 1:18

Chi tʉbʉchia kiikaud̶aa wãd̶ai ẽbẽrarãmaarã, Cristo cruzd̶e biud̶a ʉ̃rʉbena bed̶ea kĩranema berrea b̶uu. Maamina dachi, chi Dachi Akõreba karibabadaurã, dachiba kuitaa panuu mau bed̶eaba Dachi Akõre poyaabarii kuitaabia b̶uu.

Efesios 1:11

Dachi Akõreba ne joma ichiba wau kʉ̃ria b̶uu waubarii kĩra Cristod̶eeba dachi jʉrʉ adausii, nabẽraed̶eed̶e kʉ̃risia b̶uad̶a kĩra.

Efesios 1:9

Ichiba wau kʉ̃ria b̶uu naed̶e kuitaabiawẽa b̶uasii. Maamina dachimaa kuitaabiasii ichi sõbiad̶eeba maka kʉ̃ria b̶uasiid̶eeba. Ichiba Cristod̶eeba nabẽraed̶eed̶e waui kʉ̃risia b̶uad̶a

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

Efesios 3:11

Maka wausii ichiba nabẽraed̶e Dachi Mechiu Jesucristod̶eeba waui kʉ̃risia b̶uasiid̶eeba.

Filipenses 3:14

Pira kãrii, chi neei b̶uumaa neei baita, Jesucristod̶eeba ne bia bajãad̶ebena adaui baita, Dachi Akõreba iusiid̶eeba.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

1 Timoteo 1:1

Mʉ Pablobʉ, Jesucristoba bʉid̶a. Dachi Akõre chi Karibabariiba maud̶e Dachi Mechiu Jesucristoba mʉ naka b̶usid̶au. Ara mau Jesucristod̶eeba dachi biawãra biꞌia nuread̶ai kuitaa panuu. Dachiba Jesucristod̶e ijãabadau maud̶e ichi kakua biꞌia nuread̶ai kuitaabadau.

2 Timoteo 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶a. Ichiba mʉ bʉisii Dachi Akõreba deai jarad̶a chokae b̶uai ʉ̃rʉbena jarad̶e wãmera. Mau chokae b̶uai Jesucristod̶ebena b̶uu.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Apocalipsis 13:8

Maud̶e joma nau iujãad̶ebenarãba chi ãnimaramaa biꞌia berreasid̶au. Iujãa joma waukuai naed̶e maarã trʉ̃ chi Oeja Kaebe Nii kartad̶e wãꞌãe basii. Mau kartad̶e chi ẽbẽrarã joma biud̶aabai panuu trʉ̃ b̶ʉ kub̶uu.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.