2 Timoteo 1:3 - Emberá Chamí

³ Ãyadaa maud̶e ẽsabud̶e mʉʉba Dachi Akõremaa ʉtaa id̶iiruud̶e bichi baita ichíturu kid̶ibai abarii. Dachi Akõreba jara b̶uu mʉʉba waubarii, mʉ kʉ̃risiad̶e nebʉraswãe b̶uud̶eeba, mʉ nabẽrarãba maka wauped̶aad̶a kĩra.

2 Timoteo 1:3 ပူးပေါင်းရင်းမြစ်များ

Lucas 2:37

Ichi pẽdrãa b̶eed̶a 84 año ba b̶uasii. Ewaricha ãyadaa maud̶e ẽsabud̶e bid̶a Dachi Akõre de mechiud̶aa wãbachii Dachi Akõremaa chi bia jarai baita, Dachi Akõre baara b̶uayua chiko kod̶akau ewari waui baita maud̶e Dachi Akõremaa ʉtaa id̶ii baita.

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 24:14

Maamina mʉʉba bichimaa naka jaraaruu: mʉʉba Dachi Akõre nabẽraed̶ebenarãd̶e ijãa b̶uu. Mʉ chi O Wid̶i abadaud̶ebenabʉ. Ãchiba mau O Wid̶i seta b̶uu abadau, maamina mʉʉba Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma ijãa b̶uu.

Hechos 24:16

Maud̶eeba mʉʉba ne joma waubarii Dachi Akõre daad̶e maud̶e ẽbẽrarã daad̶e jipa nibai baita.

Hechos 26:4

»Joma judiorãba kuitaa panuu mʉ kũdrãaed̶ebena saka nibasii mʉ druad̶e maud̶e Jerusalend̶e bid̶a.

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Romanos 9:1

Mʉ Cristod̶ed̶eeba biawãra jaraaruu. Setawãema. Dachi Akõre Jauriba mʉ sõd̶e nau bed̶ea biawãra arakʉd̶e kuitaabi b̶uu.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

Gálatas 1:14

Judiorãba jaradeabadau mʉʉba biꞌia kuitaaruu basii mʉ ab̶aarakaurã audeara, dai nabẽraed̶ebenarãba waubachid̶au mʉʉba ãrea waubachiid̶eeba.

Efesios 1:16

mʉʉba ewaricha machi baita Dachi Akõremaa ichíturu kid̶ibai abarii maud̶e machi ʉ̃rʉbena ʉtaa id̶ibarii.

1 Tesalonicenses 3:10

Ãsaed̶e, ẽsabud̶aa bid̶a daiba Dachi Akõremaa ʉtaa id̶ibadau machi ichiad̶e wãd̶ai baita. Maka machiba Cristo ʉ̃rʉbena wabid̶a adua panuu daiba poyaa jaradead̶ai joma aude ijãad̶amera.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

2 Timoteo 1:5

Mʉʉba kĩraba b̶uabarii bichiba Cristod̶e biawãra ijãa b̶uu bichi tata Loida maud̶e bichi nawe Eunice bichi naed̶e ijãa panad̶a kĩra. Mʉʉba kuitaa b̶uu bichia bid̶a arab̶aud̶e Cristod̶e ijãa b̶uu.

2 Timoteo 3:15

Warraed̶e Dachi Akõre Bed̶ea kuitaasii. Mau Bed̶eaba bichimaa kuitaabi b̶uu ab̶auba Cristod̶e ijãaruubʉrã Dachi Akõreba mau karibai.

Hebreos 13:8

Jesucristo june ãyaa b̶uakau. Nuid̶a nibad̶a kĩra id̶i bid̶a maka nii, maud̶e ewaricha maka nibai.