2 Tesalonicenses 3:4 - Emberá Chamí

⁴ Dachi Mechiud̶eeba kuitaa panuu daiba jaradeaped̶aad̶a machiba biawãra wau panuu maud̶e waa wau paneed̶ai.

2 Tesalonicenses 3:4 ပူးပေါင်းရင်းမြစ်များ

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Romanos 15:14

Ãbarã, mʉʉba kuitaa b̶uu machiba biꞌia biawãra wau panuu maud̶e ãrea kuitaa panuud̶eeba poyaa chiya jaradead̶ai.

Romanos 15:18

Maamina ara mʉ ʉ̃rʉbena ne ab̶a bid̶a biꞌia berreabai. Biꞌia berrearuu Cristoba mʉʉd̶eeba waud̶a ʉ̃rʉbenáturu. Biawãra mʉʉd̶eeba Cristoba aid̶asii judiowãerãba Dachi Akõred̶e ijãad̶amera. Mʉʉba jaradea b̶uud̶eeba, wau b̶uud̶eeba,

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

1 Corintios 14:37

Ab̶auba Dachi Akõre baita berreabarii kʉ̃risia b̶uubʉrã, maebʉrã Dachi Akõre Jaurid̶eeba ne wau b̶uu kʉ̃risia b̶uubʉrã, ichiba kuitaai b̶uu mʉʉba nau kartad̶e b̶ʉmaa b̶uu Dachi Mechiuba waubi b̶uu.

1 Corintios 7:19

Mukĩra chi kakua tõo b̶uai aude bibuara b̶uwãema maud̶e mukĩra chi kakua tõowẽa b̶uai sid̶a aude bibuara b̶uwãema. Dachi Akõreba waubi b̶uu bed̶ea wau b̶uai aude bibuara b̶uu.

2 Corintios 2:3

Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

2 Corintios 8:22

Mau ãbarã baara machimaa bʉiduud̶e, ãba june bʉid̶ai. Mau ãbaba b̶es ãrea daimaa unubiasii ãbarã ãrea aid̶a kʉ̃ria b̶uu. Id̶ibae machi ãrea aid̶a kʉ̃ria b̶uu machiba jipa waud̶ai kuitaa b̶uud̶eeba.

Gálatas 5:10

Maamina Dachi Mechiu Jesucristod̶eeba mʉʉba kuitaa b̶uu machiba mʉʉba jara b̶uu awara kʉ̃risiad̶aabai. Barikiuba machi maka waa joe b̶eeruubʉrã Dachi Akõreba kastikai.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

1 Tesalonicenses 4:10

Machiba joma ãbarã Macedonia druad̶ebena mau kĩra kʉ̃ria panuu. Maamina ãbarã, daiba machimaa chi chuburia id̶i panuu aude chiya kʉ̃ria panad̶amera.

2 Tesalonicenses 3:12

Mau ãbarãmaa daiba Dachi Mechiu Jesucristod̶eeba chi chuburia id̶id̶ai jirukaraayuwãe trajad̶amera kod̶ai baita uru panad̶amera.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

Filemón 1:21

Mʉʉba maka b̶ʉʉruu kuitaa b̶uud̶eeba bichiba mʉ bed̶ea ijãai. Kuitaa b̶uu mʉʉba jara b̶uu bichiba aude biꞌia waui.