2 Tesalonicenses 3:3 - Emberá Chamí

³ Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

2 Tesalonicenses 3:3 ပူးပေါင်းရင်းမြစ်များ

Mateo 5:37

Machiba ne waud̶ai aaduubʉrã, wáusturu. Maud̶e waud̶aabai aaduubʉrã, waurã́sturu. Mau barikiu trʉ̃d̶eeba biawãra ne waui jaraaruu kachiruad̶ebena nee b̶uu.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Lucas 11:4

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra. Dai kachiruad̶e b̶aebiarã́se, maumaarã kachiruad̶ebena aid̶ase”.

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

1 Corintios 1:9

Dachi Akõreba ara ichiba jara b̶uu kĩra waubarii. Ichiba machi iusii ichi Warr Dachi Mechiu Jesucristo ome ãbua nuread̶amera.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

1 Tesalonicenses 5:24

Chi machi Iud̶aba joma maka waui, ichiba bed̶ea deasiid̶eeba.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.