2 Tesalonicenses 3:14 - Emberá Chamí

¹⁴ Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

2 Tesalonicenses 3:14 ပူးပေါင်းရင်းမြစ်များ

Mateo 18:17

Wabid̶a ãchiba jaraaduu ichiba ũri kʉ̃riawẽebʉrã, Dachi Akõred̶e ijãabadaurãmaa joma ãbua iuped̶a ãchimaa mau ʉ̃rʉbena jarase. Maamina Dachi Akõred̶e ijãabadaurãba jaraaduu ũrii kʉ̃riawẽebʉrã, ichi Dachi Akõred̶e ijãakau kĩra maebʉrã Romad̶ebena baita chi nejarra pebarii kĩra ida b̶ústuru.

Romanos 16:17

Ãbarã, mʉʉba machimaa chi chuburia id̶iiruu kauwa nuread̶amera. Waabenarãba ãbarãmaa aꞌawaraa kʉ̃risiabiabadau. Chi machiba biawãra bed̶ea kuitaaped̶aad̶a ãchiba ãyaa jaradeabadau. Mau ẽbẽrarã ome ãbua panarã́sturu.

1 Corintios 4:14

Mʉʉba mau b̶ʉ kub̶uwẽe machi kĩrakayabiai baita. Maumaarã mʉ warrarã kĩra machi kʉ̃ria b̶uud̶eeba maka b̶ʉ kub̶uu jipa kʉ̃risiabiai baita.

1 Corintios 5:11

Maumaarã mʉʉba machi baita b̶ʉsii barikiuba ara ichi ãba aaruubʉrã, maamina barikiu kachirua wau niibʉrã, chi nejarra kʉ̃ria niibʉrã, Dachi Akõre kuenda juaba ne kaped̶aad̶amaa ʉtaa id̶i niibʉrã, setad̶eeba waabena kachirua jara niibʉrã, itua biu niibʉrã, maebʉrã chirua niibʉrã, mau ẽbẽra ome ãbua panad̶aabai panuu maud̶e ãbua kod̶aabai panuu.

1 Corintios 5:9

Naed̶e mʉʉba june kartad̶e b̶ʉsii machi chi ãibena ome kãi paneebadaurã ome ãbua panad̶aabai panuu.

2 Corintios 10:6

Daiba ãbarã sõ chaarea nuree kastikad̶ai baita panuu. Maamina naa esed̶au panuu machiba Cristod̶e joma ijãa panuu unubiad̶amera.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

2 Corintios 7:15

Titoba kĩraba b̶uabarii machiba ichi bed̶ea ijãaped̶aad̶a maud̶e wapea panuud̶eeba ichi biꞌia irsibisid̶au. Maud̶eeba machi ãrea kʉ̃ria b̶uu.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Colosenses 4:16

Machiba nau karta ed̶a jaraaduud̶e ãbarã Laodicea puurud̶ebenarãmaa bid̶a ed̶a jarabiásturu. Machia bid̶a chi karta mʉʉba maarãmaa urubʉid̶a ed̶a jarásturu.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

Tito 2:8

Biawãra bed̶ea jaradea b̶uase ab̶au bid̶a bichi ʉ̃rʉbena kachirua jararãad̶amera. Maka jaradea b̶uaibʉrã, bichi kĩramaabadaurã kĩrakayad̶ai. Ãchiba b̶aꞌãra bid̶a dachi poyaa kachirua jarad̶aabai.

Tito 3:10

Ab̶auba ãbarã ijaraa berreabiiruubʉrã, mau iadaase waa maka waurãamera. Mauba ijãawẽebʉrã, waya iadaase. Maud̶e wabid̶a ijãawẽa b̶uubʉrã, mau ome b̶uarã́se.

Filemón 1:21

Mʉʉba maka b̶ʉʉruu kuitaa b̶uud̶eeba bichiba mʉ bed̶ea ijãai. Kuitaa b̶uu mʉʉba jara b̶uu bichiba aude biꞌia waui.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.