2 Pedro 3:7 - Emberá Chamí

⁷ Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

2 Pedro 3:7 ပူးပေါင်းရင်းမြစ်များ

Mateo 10:15

Mʉʉba biawãra jaraaruu: Dachi Akõreba kastikai ewarid̶e Sodomd̶ebenarã maud̶e Gomorrad̶ebenarã audeara mau puuru aude kastikai.

Mateo 11:22

Maamina mʉʉba machimaa jaraaruu: Dachi Akõreba kastikai ewarid̶e Tirod̶ebenarã maud̶e Sidond̶ebenarã audeara machi aude kastikai.

Mateo 11:24

Maamina mʉʉba jaraaruu: Dachi Akõreba kastikai ewarid̶e Sodomd̶ebenarã audeara machi aude kastikai.

Mateo 12:36

Bichiba ne bia jaraaruubʉrã Dachi Akõreba bichi biꞌia nibabii. Maamina ne kachirua jaraaruubʉrã ichiba kastikai. Mʉʉba machimaa jaraaruu: Dachi Akõreba kastikai ewarid̶e jomaurãba ichimaa jarad̶ai ãchiba bed̶ea kachirua barikia jaraped̶aad̶a».

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Marcos 6:11

Maamina ẽbẽrarãba machi biꞌia irsibid̶aabʉrã, maud̶e machiba jaradeaduu ũrid̶ai kʉ̃riad̶aabʉrã, arabena wã́sturu. Wãaduud̶e, chi jʉ̃rʉd̶ebena ioro jora neapésturu, Dachi Akõreba mau kʉ̃riawẽa b̶uu unubiad̶ai baita. Mauba kuitaabiai ãchiba Dachi Akõre ida b̶u panuu kakua ichiba kastikai.

Juan 12:48

Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

1 Corintios 3:13

Cristoba dachi nebʉra ichiai ewarid̶e dachicha wauped̶aad̶a tʉbʉchiaba ichia chaai, ãrea dauchia jãadua b̶uai kuitaai baita. Mauba unubii dachiba wauped̶aad̶a saka b̶uasii.

Filipenses 1:28

Machi kĩramaabadau ab̶a bid̶a wapearã́sturu. Mauba kuitaabii Dachi Akõreba ãchi baribai, maamina machi karibai. Mau Dachi Akõreba joma wau b̶uu.

2 Tesalonicenses 2:3

Ab̶au bid̶a ab̶aumaa ida setaa kũruarã́sturu. Dachi Mechiuba kastikai ewari neei naed̶e ãrea ẽbẽrarãba Dachi Akõre ida b̶ud̶ai. Maud̶e chi ẽbẽra kachirua nii unubiai. Mau ẽbẽra Dachi Akõreba tʉbʉ aokod̶e jiratai.

1 Timoteo 6:9

Maamina barau nuread̶ai kʉ̃ria panuuba ne joma kʉ̃ria panuud̶eeba kachiruad̶e b̶aebadau. Chi dachi aid̶akau maud̶e dachi kachirua wau b̶uu kʉ̃ria panuud̶eeba kachiruad̶e paneebadau ãnimara enabed̶e b̶aed̶a kĩra. Mau ãrea miichuburi paneebadau, doed̶a taawãaruu kĩra.

Hebreos 12:29

Dachi Akõreba tʉbʉ aokoba joma baabariid̶eeba.

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

2 Pedro 3:12

Dachi Akõreba kastikai ewari esed̶au panuumisa Dachi Akõreba kʉ̃ria b̶uu wau panásturu mau ewari isa bamera. Mau ewarid̶e Dachi Akõreba bajãa baai. Ne joma dachiba bajãad̶e unubadau maud̶e nau iujãad̶e unubadau wãsiaba dorrab̶arii.

1 Juan 4:17

Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.

Judas 1:7

Ara mau kĩra Dachi Akõreba Sodomad̶ebena, Gomorrad̶ebena maud̶e chi puururã ara kaitad̶ebena kastikasii. Maarãba mianejasia waubachid̶au. Dachi kakuaba barikiu kachirua waud̶aabai panuu, ãchiba waubachid̶au. Maud̶eeba Dachi Akõreba maarã ewaricha tʉbʉchia kiikaud̶e biꞌiwãe panabiai. Mauba dachimaa kuitaabia b̶uu Dachi Akõreba chi kachirua joma maka kastikabarii.

Apocalipsis 17:11

Chi ãnimara chi naed̶e nibad̶a maud̶e id̶ibae wãꞌãe, mau chi jua ab̶a õbea reybʉ. Mau chi 7 reyrãd̶ebenabʉ. Cristoba mau ewaricha kastikai.

Apocalipsis 17:8

Chi bichiba unud̶a ãnimara naed̶e chokae nibad̶a id̶ibae wãꞌãe. Maamina ewari ab̶ad̶e eakarr ed̶aa chob̶ead̶ebena ʉtaa neeruud̶e, Cristoba mau ewaricha kastikai. Nau iujãad̶ebenarãba chi naed̶e nibad̶a maud̶e id̶ibae wãꞌãe waya neeruu unuuduud̶e kãare kʉ̃risiad̶ai adua panad̶ai. Nau iujãa waui naed̶e ãchi trʉ̃ chi ewaricha chokae duanabarii kartad̶e b̶ʉwẽa b̶uasii.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 21:1

Mau maad̶akare mʉʉba bajãa wid̶i maud̶e iujãa wid̶i unusii. Makaed̶e nau bajãa maud̶e nau iujãa wãꞌãe basii. Mar sid̶a wãꞌãe basii.