2 Pedro 3:1 - Emberá Chamí

¹ Ãbarã, nau chi ome karta mʉʉba machi baita b̶ʉmaa b̶uu. Karta ome b̶ʉd̶ad̶e mʉʉba chi biawãra bed̶ea kĩrababia b̶uu jipa kʉ̃risiad̶amera.

2 Pedro 3:1 ပူးပေါင်းရင်းမြစ်များ

Mateo 5:8

Biꞌia panuu sõd̶eeba Dachi Akõre báitaburu nuree, Dachi Akõre unud̶aid̶eeba.

2 Corintios 13:2

B̶es ome machimaa wãsiid̶e mʉʉba jarasii kachirua wau nureerãmaa waa waurãad̶amera. Maka waud̶awẽebʉrã, waya neeruud̶e mʉʉba ãchi kĩra chuburiabai asii. Maud̶e ara ʉ̃raud̶e mʉ machi baara b̶uuwãemina arab̶aud̶e jaraaruu: kachirua wau nureerãba ida b̶ud̶awẽebʉrã, mʉ waya wãaruud̶e ãchi kĩra chuburiabai.

1 Timoteo 5:22

Bichi jua ab̶au ʉ̃rʉ bid̶a isa kub̶urã́se, ijãabadaurã nubarii b̶uamera. Bichiba maka wauruubʉrã, mauba kachirua waud̶abʉrã bichi sid̶a nebʉrad̶e b̶uai mau kachirua baita. Joma kachiruad̶ebena awara b̶uase.

2 Timoteo 1:6

Mʉ jua bichi ʉ̃rʉ kub̶usiid̶e Dachi Akõreba bichimaa deasii ichi baita ne waumera. Mau baita mʉʉba jaraaruu: Dachi Akõreba dead̶a biꞌia wau b̶uase, etabarrd̶e tʉbʉchia jãripuabarii kĩra.

Hebreos 6:9

Ãbarã, dachi maka berrea duanumina kuitaa panuu Dachi Akõreba machi karibasii o biad̶e wãaduud̶eeba.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.

2 Pedro 3:17

Ãbarã, machiba mau kuitaa panuud̶eeba kauwa panásturu ẽbẽra kachiruarãba biꞌiwãe jaradea panuuba setaa kũruarãad̶amera. Maka machiba ãrea ijãa panuu ida b̶ud̶aabai.

2 Pedro 3:8

Maamina ãbarã, nau kĩraba panad̶a ida b̶urã́sturu: Dachi Mechiumaarã ewari ab̶a 1.000 años kĩra b̶uu maud̶e 1.000 años ewari ab̶a kĩra b̶uu.

Judas 1:5

Mau joma kuitaa panumina mʉʉba kĩrababiai Dachi Mechiuba ichi puuru Egiptod̶ebena karibasii. Maamina karibasiid̶e chi ichid̶e ijãaped̶aad̶awãe nuree baribasii.