2 Pedro 2:6 - Emberá Chamí

⁶ Maud̶e Dachi Akõreba Sodoma puuru maud̶e Gomorra puuru kastikasiid̶e joma baa bʉisii. Mau joma etab̶arr babisii. Mauba kuitaabiasii chi ichi kʉ̃riad̶akaurãmaa ãchi sãad̶ai.

2 Pedro 2:6 ပူးပေါင်းရင်းမြစ်များ

Mateo 10:15

Mʉʉba biawãra jaraaruu: Dachi Akõreba kastikai ewarid̶e Sodomd̶ebenarã maud̶e Gomorrad̶ebenarã audeara mau puuru aude kastikai.

Mateo 11:23

¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai! Mʉʉba ẽbẽrarãba ne poyaa waud̶akau machi tãed̶e waud̶a Sodoma puurud̶e waud̶a basirã, jãu puuru wabid̶a b̶uai basii.

Romanos 9:29

Maud̶e mau naed̶e Isaiasba naka jarasii: «Dachi Mechiu joma poyaa b̶uuba dachi israeld̶ebenarã chi nuree imiped̶aad̶arã ida chokae panabid̶awãe basirã, Sodomad̶ebenarã maud̶e Gomorrad̶ebenarã kĩra panad̶ai basii».

1 Corintios 10:11

Joma ãchi makad̶aba unubi b̶uu saka Dachi Akõreba kachirua kastikabarii. Mau Dachi Akõre bed̶ead̶e b̶ʉ kub̶uu dachi nau kaad̶earebena ewarid̶e nureerãba ara mau kĩra waurãad̶amera.

Hebreos 4:11

Maud̶eeba dachiba aude jʉrʉd̶ai panuu Dachi Akõreba kʉrrjĩrubiaimaa wãd̶ai baita. Makarã ab̶a bid̶a b̶aebai chi nabẽrarã ijãaped̶aad̶a b̶aeped̶aad̶a kĩra.

Judas 1:7

Ara mau kĩra Dachi Akõreba Sodomad̶ebena, Gomorrad̶ebena maud̶e chi puururã ara kaitad̶ebena kastikasii. Maarãba mianejasia waubachid̶au. Dachi kakuaba barikiu kachirua waud̶aabai panuu, ãchiba waubachid̶au. Maud̶eeba Dachi Akõreba maarã ewaricha tʉbʉchia kiikaud̶e biꞌiwãe panabiai. Mauba dachimaa kuitaabia b̶uu Dachi Akõreba chi kachirua joma maka kastikabarii.