2 Pedro 2:14 - Emberá Chamí

¹⁴ Ãibena wẽra ome kãi paneebadau. Ne joma kachirua wau b̶uuba kĩrased̶akau. Chi ãrea ijãawẽa nuree setaa kũruabadau. Ne joma kʉ̃riabadau. Mau kakua Dachi Akõreba ãchi nebʉra ichiai.

2 Pedro 2:14 ပူးပေါင်းရင်းမြစ်များ

Mateo 12:34

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.

Mateo 23:14

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba pẽdrãarã ne juakaa adaubadau maud̶e ʉtaa ãrea id̶ibadau ẽbẽrarãba machi biꞌia ichiad̶amera. Maud̶eeba Dachi Akõreba machi aude kastikai waabenarã audeara.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 5:28

Maamina mʉʉba machimaa jaraaruu: mukĩra ab̶aba wẽra ichiaped̶a kʉ̃riaibʉrã ab̶aed̶e mau wẽra ome ichi sõd̶e kachirua wausii.

Marcos 13:22

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Juan 5:44

¿Saka mʉʉd̶e ijãad̶aima? Ab̶aburu kʉ̃ria panuu waabenarãba machi biꞌia unud̶ai. Maamina machiba jʉrʉd̶awẽe Dachi Akõre ab̶a niiba machi biꞌia unui.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

1 Corintios 11:19

Biawãra machi kʉ̃risia aꞌawaraa panuud̶eeba unubid̶ai kairã Dachi Akõreba biꞌia unu b̶uu.

Efesios 2:3

Naed̶e joma dachi ãchi kĩra nibasid̶au nau kakuaba kachirua waubi b̶uu wau panasid̶aud̶eeba. Nau kakuaba kachirua waui kʉ̃ria b̶uu maud̶e dachiba kachirua waui kʉ̃risia b̶uu wau panasid̶au. Dachi kachiruad̶eeba Dachi Akõreba ichi kĩrubid̶eeba dachi kastikai b̶uasii joma kachirua waubadaurã kastikabarii kĩra.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

Colosenses 2:18

Mau baita ab̶auba machiba ne bia bajãad̶e adaud̶aabai aaduubʉrã, ijãarã́sturu. Maarã berreabadaurã setaa maka nibabadau waabenarã chi aude kaebeu nibabadau kĩra. Maarãba angelerã ãrea kʉ̃riabadau. Chi maarã daumaa unubiaped̶aad̶a ãrea jaradeabadau. Dachi juaba biꞌiwãe waui kʉ̃ria b̶uud̶eeba ẽbẽra jaradea ua b̶uabadaurã mechiurã kĩra ãyaa kʉ̃risiabadau.

Santiago 1:8

Ichi kʉ̃risia ome uru b̶uud̶eeba arab̶au kʉ̃risiad̶e b̶uakau.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.

2 Pedro 3:16

Mauba kartacha mau ʉ̃rʉbena b̶ʉsii. Mau kartad̶ebena kʉ̃risia ichiba b̶ʉd̶a chaarea b̶uu kuitaad̶ai baita. Chi biawãra bed̶ea adua nureerãba maud̶e chi ãrea ijãad̶akaurãba mauba b̶ʉd̶a biꞌiwãe jaradeabadau, chi Dachi Akõre bed̶ea b̶ʉped̶aad̶a biꞌiwãe jaradeabadau kĩra. Maud̶eeba Dachi Akõreba ãchi nebʉra ichiai.

1 Juan 2:16

Nau iujãad̶ebena kachirua naubʉ: dachi kakuaba kachirua wau kʉ̃ria b̶uabarii, dachi dauba unu panuu kʉ̃ria panabadau, maud̶e dachiba uru panuu kakua maebʉrã wau panuu kakua ara dachi waabenarã audeara aude nuree kʉ̃risia panad̶ai. Joma mau Dachi Bajãad̶ebena Akõred̶ebenawãe, maumaarã nau iujãad̶ebenabʉ.

Judas 1:11

¡Miichuburi chi kachiruad̶e nuree! Ãchiba Cainba waud̶a kĩra waubadau. Chi nejarra kʉ̃riabadaud̶eeba, kachirua wau nibabadau, Balaanba waud̶a kĩra. Coreba Moisés ida b̶ud̶a kĩra, Dachi Akõre ida b̶usid̶aud̶eeba, kastikakuai.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.