2 Pedro 2:13 - Emberá Chamí

¹³ Dachi Akõreba ãchi ãrea ichiai ara ãchiba wauped̶aad̶a kĩra. Ãchi ko ãrea nuree maud̶e itua do ãrea nuree. Mau ãchi baita kĩrajʉʉbadau. Ẽsabud̶e maud̶e ãsaed̶e maka waubadau. Ãbarã ome ãbua komaa panuud̶e maka waubadau. Maka machi tãed̶e paru jayoa miadaa kĩra nuree.

2 Pedro 2:13 ပူးပေါင်းရင်းမြစ်များ

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Efesios 5:27

Joma mau wausii dachi ichi baita ãrea biꞌia b̶ui baita, jayoa kachiruaswãe, bibidruaswãe maud̶e barikiu kachiruaswãe. Ichiba kʉ̃ria b̶uasii dachi ichi baita biꞌia nuread̶ai, kachirua jarad̶ai a jaraswãe.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

2 Timoteo 4:14

Jiorrd̶eeba ne waubarii Alejandroba mʉ kachirua wausiid̶eeba Dachi Mechiuba kastikai.

Santiago 5:5

Nau iujãad̶e machiba ne joma uru panuu maud̶e machiba wau kʉ̃ria panuu waubadau. Maka machi sõ boreabi panabachid̶au, paka boreabibadau kĩra. Maamina paka beaduu kĩra kãꞌãabariwãed̶e Dachi Akõreba machi kastikai.

1 Pedro 4:4

Jãabae machiba waa chi Dachi Akõred̶e ijãad̶akaurã ome kachirua waud̶akaud̶eeba ãchiba kuitaa kʉ̃risiad̶akau. Maud̶eeba machi ʉ̃rʉbena kachirua berreabadau.

2 Pedro 2:15

Dachi Akõre o jipa b̶uu ida b̶ud̶aped̶a o ãyaa wãsid̶au. Beor warr Balán abadauba waud̶a kĩra waubadau. Balán chi nejarra kʉ̃ria b̶uasiid̶eeba chi nejarra baita kachirua waui kʉ̃risiasii.

Apocalipsis 18:6

Jãu puuru kachirua wáusturu waabenarãmaa makasid̶au kĩra. Chi mauba jãka waabenarãmaa miadaa wausii baerã, b̶es ome kachirua wáusturu. Chi mauba waabenarãmaa miadaa wausii uva b̶aa asia doobai b̶uud̶e dobiaruu kĩra. Maud̶eeba maumaa b̶es ome miadaa wáusturu, uva b̶aa asia doobai b̶uud̶e b̶es ome dobiaruu kĩra.