2 Pedro 2:10 - Emberá Chamí

¹⁰ Chi nau kakuaba kachirua wau kʉ̃ria b̶uu waubadaurã maud̶e chi Dachi Akõre mʉ Mechiu ad̶ai kʉ̃riad̶akaurã aude kastikai. Setaa jaradeabadaurã kachirua waud̶ai baita perad̶akau. Ãrea kuitaa nuree kĩra panabadau. Jauri kachiruarã chi mechiu nuree ʉ̃rʉbena kachirua jarad̶ai baita wapead̶akau.

2 Pedro 2:10 ပူးပေါင်းရင်းမြစ်များ

Lucas 11:25

Ara baaruud̶e kʉd̶a biꞌia nejarr wãꞌãe b̶uu maud̶e joma biꞌia kub̶uu unubarii.

Lucas 19:14

Maamina ichi druad̶ebenarãba mau ãrea kĩramaa panuud̶eeba, ẽbẽrarã bʉisid̶au jomaurã jaradea ua b̶uabariimaa naka jarad̶amera: “Daiba kʉ̃riawẽa panuu jãu dai rey bayu”.

Hechos 23:5

Pabloba jarasii: —Ãbarã, mʉʉba adua b̶uasii ichi paare mechiu nii. Kuitaad̶a basirã mʉʉba maka jarad̶aabai basii, Dachi Akõre bed̶ead̶e naka b̶ʉ kub̶uud̶eeba: “Machi karr ʉ̃rʉbena kachirua jararã́sturu”.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.

2 Corintios 10:3

Dai nau kakuad̶e panuu maamina nau kakuad̶eeba chĩo panuuwãe kachirua poyaad̶ai baita.

Efesios 4:19

Ãchi kakuaba barikiu kachirua wauduu kakua perad̶akau. Ab̶a kachirua waud̶áituru kʉ̃riabadau. Chi kĩra nejasia joma wau panuu ʉ̃rʉbena, kakua ãkaad̶akau.

Efesios 5:5

Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

Colosenses 3:5

Maud̶eeba joma nau iujãad̶ebena kʉ̃risia machi sõd̶e b̶uu ida b̶ústuru. Dachi kakuaba barikiu kachirua waurã́sturu, mia kĩra nejasia waurã́sturu, ne mia pera waurã́sturu, kʉ̃risia kachirua kʉ̃risiarã́sturu, maud̶e ne kaebea ãrea uru panad̶ai kʉ̃ria panarã́sturu. Chi ne kaebea ãrea kʉ̃ria b̶uu, Dachi Akõre kuenda juaba ne kaped̶aad̶ad̶e ijãa b̶uu kĩra nii.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Hebreos 13:4

Jomaurãba ãchi kima wapeadee nuread̶ai panuu. Dachi Akõreba chi aud̶uabadau maud̶e junebena wẽra ome kãi b̶eebadau kastikaid̶eeba ab̶a machi kima ómeburu kãi b̶eed̶ai panuu.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

Judas 1:18

Machimaa naka jarasid̶au: «Kaad̶earebena ewarid̶e baraai ẽbẽrarãba Dachi Akõremaa atua jarabadaurã maud̶e ãchi kakuaba waubii kʉ̃ria b̶uu wau panabadaurã».

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.