2 Pedro 1:9 - Emberá Chamí

⁹ Maamina chi maka wauwẽa b̶uu dau tõroroa b̶uu kĩra b̶uu, maebʉrã dau pãriu b̶uu kĩra b̶uu. Ichiba kĩrabaabasii chi naed̶e kachirua wau b̶uad̶a Dachi Akõreba joma jeraasii.

2 Pedro 1:9 ပူးပေါင်းရင်းမြစ်များ

Marcos 10:21

Maud̶e Jesusba ẽbẽra kʉ̃riad̶eeba ichiaped̶a jarasii: —Wabid̶a bichiba ne ab̶a waui b̶uu. Bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Lucas 18:22

Mau ũriped̶a Jesusba ichimaa jarasii: —Wabid̶a bichiba ne kaebea ab̶a waui b̶uu: bichiba ne uru b̶uu joma nedobʉiped̶a chi nejarr barauwãe nureemaa dease. Maka bajãad̶e ne bia uru b̶uai. Maabae mʉ baara nibad̶e neese.

Romanos 6:11

Ara mau kĩra kuitaad̶ai panuu machi kachiruad̶eeba biusid̶au maud̶e Dachi Mechiu Jesucristod̶eeba Dachi Akõre baita chokae panuu.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

Apocalipsis 3:17

Machiba chi nejarr barau nuree a panuu, ne joma uru panuu a duanuu, maud̶e ne ab̶a bid̶a wãꞌãe nistad̶ai baita a duanuu. Maamina adua panuu machi miichuburi duanuu, kachirua duanuu, ne ab̶a bid̶a uru panuuwãe, dau pãriu duanuu maud̶e ãkad̶aa duanuu.