2 Pedro 1:5 - Emberá Chamí

⁵ Maud̶eeba Cristod̶e ijãa panuud̶eeba ãrea jʉrʉ́sturu jipa nibad̶ai baita; jipa nid̶aud̶e jʉrʉ́sturu kʉ̃risia kuitaa nuread̶ai baita;

2 Pedro 1:5 ပူးပေါင်းရင်းမြစ်များ

Lucas 16:26

Mau awara dachi kẽsa ea ed̶aa jira nu. Maud̶eeba machimaa wãd̶ai kʉ̃ria panuu sid̶a poyaa wãd̶aabai. Maud̶e jãmauba ab̶a bid̶a poyaa daimaa need̶aabai”.

Lucas 24:21

Daiba kʉ̃risiasid̶au ichiaburu dachi Israel puuru Romabid̶arã juad̶ebena karibai. Maamina ichi beaped̶aad̶a id̶i ewari õbea basii.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

Efesios 5:17

Kʉ̃risiaswãe nuree kĩra nurearã́sturu, maumaarã ãrea kuitásturu kãare Dachi Mechiuba waubi b̶uu.

Filipenses 1:9

Mʉʉba Dachi Akõremaa ʉtaa id̶i b̶uu machi ãrea chiya kʉ̃ria nuread̶amera, ichi biꞌia kuitaad̶amera maud̶e saka nibad̶ai panuu kuitaad̶amera.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

Hebreos 6:11

Daiba kʉ̃ria panuu machicha maka wau panad̶ai ab̶a biuduud̶aa. Maka b̶uubʉrã machiba Dachi Akõred̶eeba adaud̶ai esed̶au panuu joma adaud̶ai.

1 Pedro 3:7

Mukĩrarã wẽra barau nuree, kʉ̃risia biad̶eeba machi wẽra ome biꞌia panásturu. Machi wẽra biꞌia b̶uabii kʉ̃ria panuud̶eeba ãchi biꞌia nu panásturu, wẽra mukĩra aude meserãaswãe niid̶eeba maud̶e machi omea ãbua Dachi Akõre sõbiad̶eeba ichiba chokae panabiasiid̶eeba. Maka waud̶awẽebʉrã, machiba ʉtaa id̶iiduu Dachi Akõreba biꞌia ũriibai.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.