2 Pedro 1:20 - Emberá Chamí

²⁰ Nau ãrea kuitásturu: Dachi Akõre baita berreabadaurãba Ichi Bed̶ead̶e b̶ʉped̶aad̶a ara ãchi kʉ̃risiad̶eeba b̶istĩika bid̶a b̶ʉd̶aabasii.

2 Pedro 1:20 ပူးပေါင်းရင်းမြစ်များ

Romanos 12:6

Dachi Akõreba ichi sõbiad̶eeba dachicha ne waud̶amera aꞌawaraa deasii. Ichiba chi nureerãmaa deasii ichi baita berread̶amera. Maka dead̶akasiibʉrã, ãchiba biawãra ijãa panuud̶eeba maka berread̶ai panuu.

Romanos 13:11

Joma mau wau panásturu kuitaa panuud̶eeba nau ewari saka b̶uu. Ʉ̃rʉmásturu. Waa kãi duanarã́sturu. Dachi nau iujãa kachiruad̶ebena karibai aude ara kaita b̶uu dachiba naed̶e ijãaped̶aad̶a audeara.

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

1 Timoteo 1:9

Nau kuitaad̶ai panuu: Dachi Akõreba mau Moisesba b̶ʉd̶a deabasii chi jipa nuree baita, maumaarã deasii chi Dachi Akõreba jara b̶uu kĩra waud̶akaurã baita, ũribabaswãe nuree baita, Dachi Akõreswãe nuree baita, kachirua wau nuree baita, Dachi Akõre wapead̶akau baita, chi nau iujãad̶ebenarã kĩra panabadaurã baita, ãchi akõrerã beabadau baita, mia beabadau baita,

2 Timoteo 3:16

Dachi Akõreba joma Ichi Bed̶ea b̶ʉbisii. Joma mau biꞌia b̶uu jaradeai baita, kachirua wau nuree kastikai baita, biꞌiwãe wau nuree jipa wau kuitaabiai baita maud̶e saka kĩra jipa nibad̶ai kuitaabiai baita.

Santiago 1:3

Machiba kuitaa panuu maka ãrea biꞌiwãe panuud̶e Dachi Akõred̶e ijãa paneeduubʉrã, biꞌia dauchia jãaduad̶ai kuitaad̶ai.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.