2 Pedro 1:1 - Emberá Chamí

¹ Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

2 Pedro 1:1 ပူးပေါင်းရင်းမြစ်များ

Mateo 10:2

Jesusba bʉid̶arã 12, naarã basii: Simón, Pedro abadau; chi ãba Andrés; Zebedeo warrarã Santiago maud̶e Juan;

Mateo 4:18

Jesús Galilea mar iikaa niid̶e mukĩra ome unusii. Ab̶a Simón basii, Pedro abadau. Chi ab̶abena chi ãba Andrés basii. Mau ẽbẽrarã b̶eda jidaubadaurã basiid̶eeba, mard̶e b̶ata nibasid̶au.

Lucas 1:47

Mʉ ãrea kĩrajʉʉ b̶uu Dachi Akõre ome, mʉ karibabarii.

Lucas 11:49

Maud̶eeba Dachi Akõre ichi kʉ̃risia kuitaad̶eeba naka jarasii: “Mʉ baita berreabadaurã maud̶e mʉʉba bʉikad̶arã machi israeld̶ebenarãmaa wãbiai. Maud̶e waabenarã bead̶ai maud̶e waabenarã kachirua waud̶ai baita wãraad̶ai”.

Juan 1:42

Maabae Andresba Simón Jesusmaa adoesii. Neesid̶aud̶e Jesusba Simonmaa ichiaped̶a jarasii: —Bichi Simón Jonás warr, maamina id̶iid̶eeba bichi Cefas ad̶ai. (Mau Cefas trʉ̃ Pedro abadau).

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Hechos 15:14

Simonba dachimaa nebʉrʉsii Dachi Akõreba judiowãerã ʉ̃rʉbena kʉ̃risia b̶uud̶eeba jãabae ãchi jʉrʉ adausii ichi puurud̶ebena nuread̶amera.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Romanos 1:12

Mʉʉba kʉ̃ria b̶uu dachiba arab̶au Cristod̶e ijãa panuud̶eeba chiya aid̶a panad̶ai karr chaarea panad̶ai baita.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 15:9

Biawãra chi Jesucristoba bʉid̶ad̶ebena mʉ chi aude kaebeu nii. Ẽbẽrarã Dachi Akõred̶erã kachirua waui baita wãraa b̶uasiid̶eeba biꞌia b̶uwãema ẽbẽrarãba mʉ ichiba bʉid̶a jarad̶ai.

1 Corintios 9:1

¿Mʉʉba wau kʉ̃ria b̶uu wauwẽa b̶uka? ¿Mʉ Jesucristoba bʉid̶awãeka? ¿Mʉa bid̶a Dachi Mechiu Jesús unusiiwãeka? ¿Machiba mʉʉd̶eeba Dachi Mechiud̶e ijãaped̶aad̶awãeka?

2 Corintios 4:13

Dachi Akõre bed̶ead̶e b̶ʉ kub̶uu: «Mʉʉba Dachi Akõred̶e ijãasiid̶eeba berreasii». Ara mau kĩra daiba Dachi Akõred̶e biawãra ijãa panuud̶eeba ichi ʉ̃rʉbena berrea panuu.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 2:8

Biawãra Dachi Akõreba Pedro ichiba bʉid̶a b̶usii judiorãmaa jaradeamera. Ara mau Dachi Akõreba mʉ b̶usii ichiba bʉid̶a bai baita, judiowãerãmaa jaradeamera.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Efesios 4:5

Dachi Mechiu Jesús ara ab̶aburu nii. Dachiba arab̶au Jesusd̶e ijãa panuu. Maud̶e arab̶au trʉ̃d̶eeba boro easid̶au.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

2 Timoteo 1:5

Mʉʉba kĩraba b̶uabarii bichiba Cristod̶e biawãra ijãa b̶uu bichi tata Loida maud̶e bichi nawe Eunice bichi naed̶e ijãa panad̶a kĩra. Mʉʉba kuitaa b̶uu bichia bid̶a arab̶aud̶e Cristod̶e ijãa b̶uu.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

1 Pedro 1:7

mau biꞌiwãe panuud̶eeba unubid̶ai Jesucristod̶e biawãra ijãa panuu. Machiba ijãa panuu nee kĩra b̶uu. Nee wãsiaba dorrab̶aribibadau mau chi néeturu b̶eemera. Ara mau kĩra machi ãrea biꞌiwãe panuu jãadua panuud̶eeba unubi panuu Jesucristod̶e biawãra ijãa panuu. Mau ijãa panuu nee audeara biꞌia b̶uu nee wãꞌãebariid̶eeba. Machiba Jesucristod̶e biawãra ijãa panuu unubi panuud̶eeba, ichi unuuduud̶e Dachi Akõreba machi biꞌia unui, biꞌia jarai maud̶e chi mechiurã b̶ui.

1 Pedro 2:7

Machi chi Cristod̶e ijãabadaurãmaarã, ichi ãrea biꞌia b̶uu. Maamina chi ichid̶e ijãad̶akaurã ʉ̃rʉbena Dachi Akõre bed̶ead̶e naka b̶ʉ kub̶uu: «Chi mo chi de waubadaurãba ida b̶uped̶aad̶a, mau chi biara b̶eesii».

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.