2 Corintios 8:8 - Emberá Chamí

⁸ Mʉʉba mau wáusturu awẽa b̶uu, maumaarã mʉʉba kʉ̃ria b̶uu machiba unubid̶ai ãbarã biawãra kʉ̃ria panuu. Maud̶eeba mʉʉba machimaa kuitaabiai b̶uu saka waabenarãba chi nejarra ãbarã Jerusalend̶ebena baita pe panuu.

2 Corintios 8:8 ပူးပေါင်းရင်းမြစ်များ

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.

1 Corintios 7:12

Chi nuree ãbarãmaa mʉʉba nau (nau Dachi Mechiu Jesusba mʉʉmaa jaradeabiwẽma): ãbaba chi wẽra Jesusd̶e ijãawẽa b̶uu uru b̶uubʉrã, maud̶e mau wẽra ichi ome b̶uai kʉ̃ria b̶uubʉrã, mau ãbaba chi mau amaabai b̶uu.

1 Corintios 7:25

Mau awara chi wabid̶a miakãid̶awẽa nuree ʉ̃rʉbena mʉʉba jaraaruu. Dachi Mechiu Jesucristoba mʉʉmaa mau ʉ̃rʉbena jaradeabiibasiid̶eeba mʉʉba kʉ̃risia b̶uu jaraaruu. Machiba kuitaa panuu Dachi Mechiuba mʉ kĩra chuburiasiid̶eeba mʉʉba biawãra jarabarii.

1 Corintios 7:6

Mʉʉba jaraaruu: machiba maka wau kʉ̃ria panuubʉrã, biꞌia b̶uu. Maamina mʉʉba wáubad̶e a b̶uuwãe.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

2 Corintios 8:10

Mʉʉmaarã machiba naka wauduubʉrã biꞌia panad̶ai: Nabena año basiid̶e machiba waabenarã audeara naa chi nejarra ped̶ai paneesid̶au maud̶e maka waud̶ai kʉ̃riasid̶au.

2 Corintios 8:24

Mau ãbarãmaa unubiásturu machiba ãchi biawãra kʉ̃ria panuu. Maka ãchiba kuitaad̶ai daiba machi ʉ̃rʉbena biꞌia jaraped̶aad̶a biawãra basii. Waabenarã ãbarã bid̶a ara mau kĩra kuitaad̶ai.

2 Corintios 9:2

mʉʉba kuitaa b̶uud̶eeba machiba aid̶a kʉ̃ria panuu. Maud̶eeba nama Macedonia druad̶e mʉʉba ãbarãmaa machi ʉ̃rʉbena biꞌia berreabarii. Mʉʉba ãchimaa jarabachii nabena año basid̶eed̶ebena machi Acaya druad̶ebenarãba aid̶ad̶ai baita panuu. Maka ũrisid̶aud̶eeba ãbarã ãrea Macedoniad̶ebenarãba ara mau kĩra aid̶ad̶ai kʉ̃ria panuu.

2 Corintios 9:7

Ẽbẽraba ab̶aab̶acha deai b̶uu ichi sõd̶e kʉ̃risia b̶uu kĩra. Deamaa b̶uud̶eeba deabai b̶uu, maebʉrã deábad̶e a panuud̶eeba deabai b̶uu. Chi kĩrajʉʉba dea b̶uu Dachi Akõreba kʉ̃ria b̶uu.

Efesios 4:15

Maumaarã kʉ̃riad̶eeba chi biawãra bed̶ea ijãad̶ai panuu ne jomad̶e Dachi Mechiu Cristo kĩra nuread̶ai baita.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

Hebreos 10:24

Jʉrʉd̶ai panuu saka chiya aid̶ad̶ai aude kʉ̃riad̶ai baita maud̶e chi bia waud̶ai baita.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.