2 Corintios 8:20 - Emberá Chamí

²⁰ Daiba kauwa wau panuu mau chi nejarra ãrea peped̶aad̶a adoeduud̶e ab̶au bid̶a kachirua jararãad̶amera.

2 Corintios 8:20 ပူးပေါင်းရင်းမြစ်များ

Mateo 10:16

»Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Romanos 14:16

Machiba wau panuu biꞌia kuitaa panuu. Maamina waabenarãba mau ʉ̃rʉbena kachirua jaraaduubʉrã, waurã́sturu kachirua berrearãad̶amera.

1 Corintios 16:3

Mʉ neeruud̶e chi ãbarã machiba peped̶aad̶a maarã ome mʉʉba Jerusalend̶aa chi nejarra urubʉʉi. Ãbarã Jerusalend̶ebenarãba ãchi biꞌia irsibid̶amera mʉʉba maarã ome karta urubʉʉi.

2 Corintios 11:12

Ara mʉʉba waubarii kĩra wau b̶eei. Chi dai kĩra wau panuu abadaurãba maka berreabadau waabenarã audeara nuree a kʉ̃risia panuud̶eeba. Maamina ab̶au bid̶a poyaa jarad̶aabai dai kĩra wau panuu.

2 Corintios 8:19

Mau awara ãbarã puuruchad̶ebenaba ichi jʉrʉ adausid̶au dai ome chi nejarra ãbarã baita peped̶aad̶a Jerusalend̶aa dead̶e wãmera. Mau daiba wau panuu ãbarãba Dachi Mechiumaa biꞌia berread̶amera maud̶e daiba biawãra aid̶a kʉ̃ria panuu unubid̶ai baita.

2 Corintios 8:21

Biawãra daiba Dachi Mechiu daad̶e maud̶e ẽbẽrarã daad̶e jipa wau kʉ̃ria panuu.

Efesios 5:15

Maud̶eeba kauwa nibásturu. Adua nuree kĩra nibarã́sturu, maumaarã kʉ̃risia kuitaad̶eeba nibásturu.

1 Tesalonicenses 5:22

Kachirua ab̶a bid̶a waurã́sturu.