2 Corintios 8:19 - Emberá Chamí

¹⁹ Mau awara ãbarã puuruchad̶ebenaba ichi jʉrʉ adausid̶au dai ome chi nejarra ãbarã baita peped̶aad̶a Jerusalend̶aa dead̶e wãmera. Mau daiba wau panuu ãbarãba Dachi Mechiumaa biꞌia berread̶amera maud̶e daiba biawãra aid̶a kʉ̃ria panuu unubid̶ai baita.

2 Corintios 8:19 ပူးပေါင်းရင်းမြစ်များ

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:25

Maud̶eeba daiba bed̶ea arab̶aud̶e deasid̶au chi daid̶ebenarã machimaa bʉid̶ai baita. Maarã wãd̶ai chi dachiba kʉ̃ria panuu ãba Bernabé maud̶e Pablo baara.

Hechos 19:22

Maud̶eeba ichi aid̶abadaurã Timoteo maud̶e Erasto Macedonia druad̶aa naa bʉisii maamina ichi Asia druad̶e b̶eesii.

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Romanos 5:11

Mau awara Dachi Mechiu Jesucristod̶eeba Dachi Akõre ome biꞌia nureed̶eeba ichid̶eeba Dachi Akõre ome sõbia panuu.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

2 Corintios 8:11

Machiba naa chi nejarra pe panasid̶aud̶e sõbiad̶eeba maka wau panasid̶au. Ara mau kĩra machiba sõbiad̶eeba dead̶ai aped̶aad̶a joma maka deásturu. Machicha dead̶ai panuu machi poyaara deásturu.

2 Corintios 8:12

Biawãra ab̶auba poyaa dearuu kĩra sõbiad̶eeba dearuubʉrã, mau dead̶a Dachi Akõreba biꞌia unui. Ab̶auba deai baita uru b̶uuwãebʉrã, Dachi Akõreba deábad̶e akau.

2 Corintios 8:20

Daiba kauwa wau panuu mau chi nejarra ãrea peped̶aad̶a adoeduud̶e ab̶au bid̶a kachirua jararãad̶amera.

2 Corintios 9:2

mʉʉba kuitaa b̶uud̶eeba machiba aid̶a kʉ̃ria panuu. Maud̶eeba nama Macedonia druad̶e mʉʉba ãbarãmaa machi ʉ̃rʉbena biꞌia berreabarii. Mʉʉba ãchimaa jarabachii nabena año basid̶eed̶ebena machi Acaya druad̶ebenarãba aid̶ad̶ai baita panuu. Maka ũrisid̶aud̶eeba ãbarã ãrea Macedoniad̶ebenarãba ara mau kĩra aid̶ad̶ai kʉ̃ria panuu.

2 Corintios 9:8

Biawãra Dachi Akõreba ne joma machimaa ãrea poyaa deai. Maka ewaricha ne jomad̶e machiba uru nuread̶ai panuu biawãra uru panad̶ai maud̶e joma biꞌia waud̶ai baita.