2 Corintios 8:11 - Emberá Chamí

¹¹ Machiba naa chi nejarra pe panasid̶aud̶e sõbiad̶eeba maka wau panasid̶au. Ara mau kĩra machiba sõbiad̶eeba dead̶ai aped̶aad̶a joma maka deásturu. Machicha dead̶ai panuu machi poyaara deásturu.

2 Corintios 8:11 ပူးပေါင်းရင်းမြစ်များ

2 Corintios 8:12

Biawãra ab̶auba poyaa dearuu kĩra sõbiad̶eeba dearuubʉrã, mau dead̶a Dachi Akõreba biꞌia unui. Ab̶auba deai baita uru b̶uuwãebʉrã, Dachi Akõreba deábad̶e akau.

2 Corintios 8:19

Mau awara ãbarã puuruchad̶ebenaba ichi jʉrʉ adausid̶au dai ome chi nejarra ãbarã baita peped̶aad̶a Jerusalend̶aa dead̶e wãmera. Mau daiba wau panuu ãbarãba Dachi Mechiumaa biꞌia berread̶amera maud̶e daiba biawãra aid̶a kʉ̃ria panuu unubid̶ai baita.

2 Corintios 8:3

Mʉʉba jaraaruu: ãchiba sõbiad̶eeba chi nejarra ãchi poyaara deasid̶au. Maud̶e ãchiba poyaa dead̶ai panad̶a aude deasid̶au.

2 Corintios 9:2

mʉʉba kuitaa b̶uud̶eeba machiba aid̶a kʉ̃ria panuu. Maud̶eeba nama Macedonia druad̶e mʉʉba ãbarãmaa machi ʉ̃rʉbena biꞌia berreabarii. Mʉʉba ãchimaa jarabachii nabena año basid̶eed̶ebena machi Acaya druad̶ebenarãba aid̶ad̶ai baita panuu. Maka ũrisid̶aud̶eeba ãbarã ãrea Macedoniad̶ebenarãba ara mau kĩra aid̶ad̶ai kʉ̃ria panuu.