2 Corintios 7:5 - Emberá Chamí

⁵ Macedonia druad̶e neesid̶aud̶e dai poyaa kʉrrjĩrud̶awẽa panasid̶au, maumaarã ne jomad̶e ãrea biꞌiwãe panasid̶au. Ẽbẽrarã dai ome oa kachirua berreabachid̶au maud̶e dai ne wapea nibabachid̶au.

2 Corintios 7:5 ပူးပေါင်းရင်းမြစ်များ

Hechos 20:1

Maka kĩrubika duanuu apiisid̶aud̶e Pabloba chi Jesusd̶e ijãa nuree iukuaped̶a ãchi ome berreasii Dachi Mechiud̶e biꞌia ijãad̶amera. Maabae wãaruu aped̶a Macedonia druad̶aa wãsii.

Romanos 15:26

Mau chi nejarra ãbarã Macedonia druad̶ebenarãba maud̶e Acaya druad̶ebenarãba kĩrajʉʉ araa pesid̶au ẽbẽrarã Dachi Akõred̶erã Jerusalend̶ebena chi nejarr barauwãe nuree aid̶ad̶ai baita.

1 Corintios 15:31

Ãbarã, machiba Dachi Mechiu Jesucristod̶e ijãa panuu baita mʉ biawãra kĩrajʉʉ b̶uu. Biawãra jaraaruu: ewaricha kʉ̃risia b̶uu ẽbẽrarãba mʉ chi Jesús bed̶ea kakua bead̶ai.

1 Corintios 16:5

Mʉ naa Macedonia druad̶aa wãi b̶uu. Maabae machimaa wãi.

2 Corintios 2:13

Maamina mʉ ãba Tito unuwẽed̶eeba jirukaraa b̶uasii. Maud̶eeba ãbarã ome araa ãbua neesiid̶e mʉ wãi asii. Ara makʉd̶e Macedonia druad̶aa Tito jʉrʉd̶e wãsii.

2 Corintios 2:3

Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.