2 Corintios 7:11 - Emberá Chamí

¹¹ Dachi Akõreba kʉ̃ria b̶uu kĩra machi kĩra nomaasid̶aud̶eeba mau kĩra nomaaba machimaa jipa kʉ̃risiabiaped̶a jipa waubiasii. Maud̶eeba machiba jipa wau panuu jomaurãmaa kuitaabiai kʉ̃ria panuu. Ãbaba kachirua waud̶a kakua machi kĩrusid̶au maud̶e Dachi Akõreba kastikai bad̶a wapeasid̶au. Maud̶eeba chi kachirua waud̶a ẽbẽra kastikad̶aped̶a ãyaa bʉisid̶au. Nejomad̶eeba machiba unubisid̶au mau kachirua waud̶a kakua nebʉraswãe panuu.

2 Corintios 7:11 ပူးပေါင်းရင်းမြစ်များ

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Juan 2:17

Maud̶e ichi baara nibabadaurãba kĩrabasid̶au Dachi Akõre bed̶ead̶e naka b̶ʉ kub̶uu: «Bichi de mechiu mʉʉba ãrea kʉ̃ria b̶uud̶eeba mʉ biui».

Hechos 17:16

Atenas puurud̶e Pabloba Silas maud̶e Timoteo esed̶au b̶uumisa, Dachi Akõre kuenda juaba ne kaped̶aad̶a ãrea mau puurud̶e unusiid̶e, ichi kĩra nomaasii.

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 3:5

Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

1 Corintios 12:25

Maka wausii dachi kakua kachirua b̶eerãamera, maumaarã dachi kakuad̶e nuree chiya nu panad̶amera.

1 Corintios 5:2

Maamina machiba wabid̶a kʉ̃risia panuu waabenarã audeara bibuara nuree. ¿Mau ẽbẽraba kachirua waud̶a kakua ãrea kĩra nomaa nuread̶ai panuuwãeka? ¿Mau machid̶ebena ãyaa b̶ud̶ai panuuwãeka?

2 Corintios 13:7

Daiba Dachi Akõremaa id̶i panuu machiba kachirua waurãad̶amera. Maamina maka id̶i panuuwãema unubid̶ai baita dai Jesucristoba bʉid̶arã. Maumaarã id̶i panuu machiba joma biꞌia waud̶amera, dai Jesucristoba bʉid̶arã kʉ̃risiad̶awẽa panumina.

2 Corintios 2:6

Machid̶ebena ãreaba mau ẽbẽra kachirua waud̶a kastikasid̶au. Ara mauba ara b̶uu.

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

2 Corintios 7:7

Dai ichi need̶a kakúaburu kĩrajʉʉd̶aabasii, maumaarã machi kakua kĩrajʉʉsid̶au. Ichiba jarasii machi ome b̶uasiid̶e machiba ichi kĩrajʉʉbiped̶aad̶a. Mau awara nebʉrʉsii machiba dai unu kʉ̃ria panuu, kachirua wauped̶aad̶a kakua kĩra nomaaba jẽa panuu maud̶e kʉ̃riad̶eeba mʉ ʉ̃rʉbena kʉ̃risia panuu. Maud̶eeba mʉ ãrea kĩrajʉʉsii.

2 Corintios 7:9

Maamina jãabae mʉ kĩrajʉʉ b̶uu. Kĩrajʉʉ b̶uuwãe machi kĩra nomaabiasiid̶eeba, maumaarã kĩrajʉʉ b̶uu machiba kachirua wau panad̶a kĩra nomaad̶eeba ida b̶ud̶aped̶a waya Dachi Akõremaa neesiid̶aud̶eeba. Biawãra Dachi Akõreba kʉ̃ria b̶uu kĩra machi kĩra nomaa paneesid̶au. Maka daiba kastikaped̶aad̶a kakua machi kachirua nuread̶aabasii.

2 Corintios 9:2

mʉʉba kuitaa b̶uud̶eeba machiba aid̶a kʉ̃ria panuu. Maud̶eeba nama Macedonia druad̶e mʉʉba ãbarãmaa machi ʉ̃rʉbena biꞌia berreabarii. Mʉʉba ãchimaa jarabachii nabena año basid̶eed̶ebena machi Acaya druad̶ebenarãba aid̶ad̶ai baita panuu. Maka ũrisid̶aud̶eeba ãbarã ãrea Macedoniad̶ebenarãba ara mau kĩra aid̶ad̶ai kʉ̃ria panuu.

Efesios 4:26

Kĩruuduubʉrã kachirua waurã́sturu. Machi kĩru panuumisa, ewari araa b̶aebirã́sturu.

Efesios 5:11

Pãriud̶ebenarãba kachirua waubadaud̶eeba ne bia neekau. Maud̶eeba arab̶au waurã́sturu, maumaarã kuitaabiásturu ãchiba waubadau kachiruabʉ.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

2 Timoteo 2:15

Chi biawãra bed̶ea Dachi Akõred̶e jipa jaradeabarii unubi b̶uase. Trajabarii biꞌia b̶uu kĩra kauwa wau b̶uase Dachi Akõreba bichi kĩrakayayuwãe b̶uu unumera.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 1:17

Machiba Dachi Akõremaa berreaduud̶e machi Chacha abadaubʉrã, kuitásturu Ichiba ẽbẽra waabenarã audeara kʉ̃riakaud̶eeba joma ichiai dachiba wauped̶aad̶a. Maud̶eeba wabid̶a nau iujãad̶e ãibenarã kĩra panuumisa ewaricha ichi wapea panuud̶eeba jipa nibásturu.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

Judas 1:23

Chi tʉbʉchia kiikaud̶aa wãaduu karibásturu. Waabenarã kĩra chuburiásturu, maamina kauwa panásturu. Maarãba kachirua waubadau ida b̶ústuru.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.