2 Corintios 6:6 - Emberá Chamí

^6-7 Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

2 Corintios 6:6 ပူးပေါင်းရင်းမြစ်များ

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

1 Corintios 13:4

Chi waabenarã kʉ̃riabariiba joma jãadua b̶uu, waabena kĩra chuburiabarii, waabenaba uru b̶uu uru b̶uai kʉ̃riakau, waabena audeara biꞌia nii jarakau maud̶e maka nii kʉ̃risiakau.

1 Corintios 2:16

Dachi Akõre bed̶ead̶e naka b̶ʉ kub̶uu: «¿Kaiba Dachi Mechiu kʉ̃risia kuitaa b̶uma? ¿Kaiba ichimaa jaradeaima?» Maamina dachiba Cristo kʉ̃risia uru panuu.

1 Corintios 2:4

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

2 Corintios 1:23

Mʉʉba Dachi Akõre daad̶e jaraaruu: Corintod̶aa wabid̶a wãwãe b̶uu machi kĩra nomaabiamaaba chi mʉʉba machi ãrea kastikakuai b̶uud̶eeba.

2 Corintios 11:11

¿Mʉʉba sakãe maka chi nejarra id̶iwẽa b̶uma? ¿Machi kʉ̃riawẽa b̶uud̶eeba maka wau b̶uka? Dachi Akõreba kuitaa b̶uu mʉʉba machi kʉ̃ria b̶uu.

2 Corintios 11:4

Dai diware nuree need̶aba Jesús ʉ̃rʉbena daiba jaradeaped̶aad̶a awara jaradearuud̶e maebʉrã chi Dachi Akõre Jauri machiba adauped̶aad̶a ʉ̃rʉbena awara jaradearuud̶e machiba kauwa ũribadau. Maud̶e chi bed̶ea bia machiba ijãaped̶aad̶a awara jaradearuud̶e kauwa ũribadau.

2 Corintios 11:6

Mʉ biꞌia berreakamina, biawãra bed̶ea ãrea kuitaa nii. Mau biawãra bed̶ea daiba nejomad̶eeba machimaa arakʉd̶e kuitaabiasid̶au.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

2 Corintios 2:4

Biawãra mau karta b̶ʉsii machi iadaai baita. Maamina maka b̶ʉʉbasii machi kĩra nomaad̶amera, maumaarã kuitaad̶amera mʉʉba machi biawãra kʉ̃ria b̶uu. Maud̶eeba mʉʉba kĩra nomaad̶eeba, ãrea kʉ̃risia b̶uud̶eeba maud̶e jẽa b̶uud̶eeba mau karta b̶ʉ b̶uasii.

2 Corintios 3:3

Daid̶eeba Cristod̶e ijãaped̶aad̶ad̶eeba machi karta Cristoba b̶ʉ dead̶a kĩra panuu. Ichiba mau karta chi tintaba b̶ʉʉbasii, maumaarã chi chokae nii Dachi Akõre Jaurid̶eeba b̶ʉsii. Mo peed̶ead̶e b̶ʉʉbasii, maumaarã dachi sõd̶e b̶ʉsii.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

2 Corintios 7:2

Sõd̶eeba dai kʉ̃riásturu. Daiba ab̶aumaa bid̶a kachirua waud̶awẽa panuu, kachirua kʉ̃risiabiad̶awẽa panuu maud̶e setaa kũruad̶awẽa panuu.

Gálatas 3:2

Mʉʉba nau machimaa id̶iiruu: Dachi Akõre Jauri irsibisid̶aud̶e ¿machiba chi Moisesba b̶ʉd̶a wau panasid̶aka? Maebʉrã ¿chi bed̶ea Jesús ʉ̃rʉbena ũriped̶aad̶a ijãasid̶aka?

Gálatas 3:5

Dachi Akõreba ichi Jauri machimaa deasii awara, ẽbẽrarãba ne poyaa waud̶akau machi tãed̶e wau b̶uu. ¿Chi Moisesba b̶ʉd̶a machiba wau panasiid̶eeba maka wau b̶uka? ¿Maka wauwẽka chi bed̶ea bia Cristo ʉ̃rʉbena ũrid̶aped̶a ijãasid̶aud̶eeba?

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Efesios 3:4

Nau karta ed̶a jara panuud̶e machiba kuitaad̶ai Dachi Akõreba Cristo ʉ̃rʉbena kuitaabiwẽa b̶uad̶a, mau mʉʉba kauwa kuitaa b̶uu.

Efesios 4:2

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

1 Tesalonicenses 2:10

Machiba kuitaa panuu maud̶e Dachi Akõreba kuitaa b̶uu dai machi chi Cristod̶e ijãabadaurã tãed̶e biꞌia, jipa maud̶e kachirua jarad̶ayuswãe nibasid̶au.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Timoteo 5:2

Chõodraarãmaa berreáse bichi nawe ome berreabarii kĩra. Awẽrarãmaa berreáse bichi neekau ome berreabarii kĩra. Maarã baara joma kachiruad̶ebena awara b̶uase.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Tito 2:7

Joma biꞌia wau b̶uud̶eeba jomaurãmaa unubi b̶uase saka nibad̶ai panuu. Kʉ̃risia biꞌia jipa jaradea b̶uase.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Juan 3:18

Mʉ warrarã, dachi ãbarã kʉ̃riad̶ai panuu. Bed̶ead̶éburu maka waud̶aabai panuu, maumaarã dachiba wau panuud̶eeba biawãra kʉ̃riad̶ai panuu.