2 Corintios 6:5 - Emberá Chamí

⁵ Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

2 Corintios 6:5 ပူးပေါင်းရင်းမြစ်များ

Mateo 14:10

Ara makʉd̶e Juan jʉ̃abadau ded̶e jʉ̃a b̶uu boro b̶ʉatubisii.

Mateo 14:3

Herodesba mau jarasii Juan beabisiid̶eeba. Mau naka b̶uasii: Herodesba ara ichi ãba Felipe wẽra Herodías abadau adausii. Maamina Juanba ichimaa jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Mateo 9:15

Jesusba ãchimaa jarasii: —Mukĩra kãibadau kĩrajʉʉ ewari wau b̶uud̶e ¿kai kĩra nomaa b̶uaima? Mau mukĩra wabid̶a ichiba iukuad̶a ome b̶uumisa kĩrajʉʉ panad̶ai. Maamina ewari ab̶ad̶e waabena ẽbẽrarãba ichi ãyaa adoed̶ai. Maabáeburu ichiba iud̶arãba chiko kod̶akau ewari waud̶ai.

Hechos 13:3

Maarãba chiko kod̶akau ewari waud̶aped̶a, Dachi Akõremaa ʉtaa id̶id̶aped̶a ãchi jua Bernabé maud̶e Saulo ʉ̃rʉ kub̶usid̶au. Maabae bʉisid̶au.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 23:10

Aude mia ũrimaa bara b̶eesiid̶e, kokoroarã mechiuba, Pablo poyaa pichipichia waud̶ai wapea kʉ̃risia b̶uud̶e, ichi kokoroarã iukuasii mia ũrimaa duanuumaabena awara adoed̶amera maud̶e ãchi deemaa adoed̶amera.

Hechos 24:27

Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 26:10

Mʉʉba Jerusalend̶e biawãra maka wausii. Paare mechiurãba ãchi trʉ̃d̶eeba mʉʉmaa ida Jesusd̶e ijãabadaurã ãrea jʉ̃a b̶ubisid̶au. Maud̶e mau ẽbẽrarã beabisid̶aud̶e mʉa bid̶a biꞌia b̶uu asii.

Hechos 26:29

Pabloba jarasii: —Mʉʉba Dachi Akõremaa ʉtaa id̶i b̶uu kãꞌãabariwãed̶e maebʉrã ewari ãread̶e bichi maud̶e joma chi mʉ bed̶ea ũri panuu, mʉ kĩra panad̶amera, maamina nau kaenawãe.

Hechos 28:30

Mau maad̶akare Pablo año ome Romad̶e b̶uasii. Chi de chibarimaa chi nejarra deabachii aria b̶uai baita. Chi ichi ichiad̶e wãaduu joma biꞌia irsibibachii.

Hechos 5:18

Maud̶eeba chi Jesusba bʉid̶arã jidaud̶aped̶a jʉ̃a bʉikasid̶au.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

1 Corintios 4:11

Id̶ibaed̶aa dai jarrba wau panuu, obisia wau panuu maud̶e paru sore uru panuu. Dai dewãe panuu maud̶e ẽbẽrarãba dai kachirua waubadau.

1 Corintios 7:5

Machi kakua machi kimamaa wãakarã́sturu. Dachi Akõremaa ʉtaa id̶i kʉ̃riaduud̶e, bed̶ea deásturu, mau ewarid̶e ãbua kãi b̶eed̶aabai baita. Maamina kãꞌãa maka panad̶aabai panuu. Mau maad̶akare, waya ãbua kãi b̶eei panuu, machi kakuaba kʉ̃ria b̶uu jãaduad̶awẽa paneeduud̶e, Satanasba kachirua waubiarãamera.

2 Corintios 11:27

Traja b̶uud̶e mʉ ãrea biꞌiwãe b̶uabachii. B̶es ãrea kãi b̶eeka basii, jarrbaa b̶uabachii, obisia b̶uabachii, kowẽa b̶uabachii. Kũrasãaba mʉ uri b̶uabachii maud̶e paruswãe b̶uabachii.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Filipenses 1:13

Romad̶ebena jaradea ua b̶uabarii de nubadau kokoroarãba maud̶e waabenarãba kuitaa panuu mʉ Cristo kakua jʉ̃a b̶uu.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Hebreos 11:36

Chi nuree Dachi Akõred̶e ijãa panuu kakua ẽbẽrarãba atua jarasid̶au, soaba pesid̶au maud̶e kaenaba jʉ̃d̶aped̶a jʉ̃a kub̶usid̶au.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

Hebreos 13:23

Kuitásturu dachi ãba Timoteo jʉ̃a b̶uad̶a awara wãsii. Mau isa mʉʉmaa neeruubʉrã, machi ichiad̶e wãaruud̶e mʉʉba mau adooi.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.