2 Corintios 6:4 - Emberá Chamí

⁴ Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

2 Corintios 6:4 ပူးပေါင်းရင်းမြစ်များ

Lucas 21:19

Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.

Hechos 20:34

Machiba ãrea kuitaa panuu ara mʉ juaba trajasii mʉʉba uru b̶uai b̶uu adaui baita maud̶e mʉ baara nibabadaurãmaa deai baita.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 16:10

Ãba Apelesmaa jarásturu mʉʉba kʉ̃ria b̶uu ichi biꞌia b̶uai. Ichiba unubisii Cristo biawãra ijãa b̶uu. Joma Aristóbulo ded̶ebenarãmaa bid̶a ara mau kĩra jarásturu.

Romanos 3:5

Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

1 Corintios 3:5

Maamina ¿Pablo kaima? ¿Apolos kaima? Dai Dachi Akõre baita bari trajabadaubʉ. Daid̶eeba machiba Dachi Mechiud̶e ijãasid̶au. Dachi Akõreba daicha waubiad̶a kĩra wausid̶au.

1 Corintios 4:1

Maka machiba kʉ̃risiad̶ai panuu dai Cristo baita bari trajabadaurã. Dachi Akõreba dai b̶usii chi ichi ʉ̃rʉbena naed̶e kuitaabiawẽa b̶uad̶a jaradead̶amera.

1 Corintios 9:11

Ara mau kĩra daiba machimaa Dachi Akõre bed̶ea jaradeasiid̶eeba ¿biꞌia b̶uuwãeka daiba machid̶ebena ne adaud̶ai?

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 11:27

Traja b̶uud̶e mʉ ãrea biꞌiwãe b̶uabachii. B̶es ãrea kãi b̶eeka basii, jarrbaa b̶uabachii, obisia b̶uabachii, kowẽa b̶uabachii. Kũrasãaba mʉ uri b̶uabachii maud̶e paruswãe b̶uabachii.

2 Corintios 11:9

Mʉ machimare b̶uasiid̶e ne joma uru b̶uabasmina machimaa ne id̶iibasii. Maumaarã mʉʉba wãꞌãe b̶uad̶a ãbarã Macedoniad̶ebena neeped̶aad̶aba joma mʉʉmaa deasid̶au. Mʉʉba ne ab̶a bid̶a machimaa id̶iibasii maud̶e id̶iwẽa b̶uai.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

2 Corintios 12:12

Mʉ machi tãed̶e b̶uasiid̶e joma wausii, Jesucristoba bʉid̶arãba waubadau kĩra. Joma dauchia jãadua b̶uasii maud̶e ẽbẽrarãba ne poyaa waud̶akau waubachii.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 4:8

Dai ne jomad̶e ãrea biꞌiwãe panumina mau nebʉrad̶ebena poyaa wãd̶aabai kʉ̃risiad̶akau. Saka waud̶ai adua panuud̶e poyaa waud̶aabai kʉ̃risiad̶akau.

2 Corintios 7:11

Dachi Akõreba kʉ̃ria b̶uu kĩra machi kĩra nomaasid̶aud̶eeba mau kĩra nomaaba machimaa jipa kʉ̃risiabiaped̶a jipa waubiasii. Maud̶eeba machiba jipa wau panuu jomaurãmaa kuitaabiai kʉ̃ria panuu. Ãbaba kachirua waud̶a kakua machi kĩrusid̶au maud̶e Dachi Akõreba kastikai bad̶a wapeasid̶au. Maud̶eeba chi kachirua waud̶a ẽbẽra kastikad̶aped̶a ãyaa bʉisid̶au. Nejomad̶eeba machiba unubisid̶au mau kachirua waud̶a kakua nebʉraswãe panuu.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 3:7

Mauba ãbarã, daiba kuitaasid̶au machiba Jesusd̶e wabid̶a ijãa panuu. Maud̶eeba dai ãrea nebʉra baraa panumina kĩrajʉʉsid̶au.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

1 Timoteo 2:15

Maamina wẽrarãba warr adaubadaud̶eeba maarã karibai, Cristod̶e ijãa paneeduubʉrã, biawãra waabenarã kʉ̃ria uru paneeduubʉrã maud̶e Dachi Akõre baita biꞌia paneeduubʉrã. Joma mau kĩra jipa nuread̶ai panuu.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 2:24

Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.