2 Corintios 6:18 - Emberá Chamí

¹⁸ Mʉ machi akõre bai. Machi mʉ warrarã nuread̶ai maud̶e mʉ kaurã nuread̶ai. Dachi Mechiu Joma Poyaabariiba maka jara b̶uu».

2 Corintios 6:18 ပူးပေါင်းရင်းမြစ်များ

Juan 1:12

Maamina chi ichi irsibiped̶aad̶arãba ichid̶e ijãasid̶au. Maud̶eeba ichiba maarã b̶usii Dachi Akõre warrarã nuread̶amera.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

Gálatas 3:26

Jesucristo ijãa panuud̶eeba joma machi Dachi Akõre warrarãbʉ.

Apocalipsis 1:8

Dachi Mechiuba jarasii: «Mʉ chi Joma Poyaabarii Dachi Akõrebʉ, chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Mʉ chi nibad̶abʉ, chi niibʉ maud̶e chi neei baita b̶uubʉ».

Apocalipsis 21:22

Mau puurud̶e mʉʉba Dachi Akõre de mechiu unuubasii wãꞌãed̶eeba. Ẽbẽrarãba Dachi Akõre chi Joma Poyaabarii maud̶e chi Oeja Kaebe Niimaa biꞌia berread̶ai, naed̶e ichi de mechiud̶e waubachid̶au kĩra.

Apocalipsis 21:7

Chi kachirua waud̶ai poyaaped̶aad̶arãba joma nau adoed̶ai, warrba chi akõreba uru b̶uud̶ebena adaubarii kĩra. Mʉ ãchi Dachi Akõre bai maud̶e mʉ warrarã nuread̶ai.