2 Corintios 6:13 - Emberá Chamí

¹³ Maud̶eeba mʉʉba machimaa chi chuburia id̶iiruu akõreba ichi warrarãmaa chi chuburia id̶ibarii kĩra: daiba sõd̶eeba machi kʉ̃ria panuu kĩra machia bid̶a sõd̶eeba dai kʉ̃ria panásturu.

2 Corintios 6:13 ပူးပေါင်းရင်းမြစ်များ

Marcos 11:24

Maud̶eeba mʉʉba machimaa jaraaruu: joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Gálatas 4:12

Ãbarã, mʉ machi judiowãe kĩra b̶uai baita, Moisesba b̶ʉd̶a ida b̶usii. Maud̶eeba mʉʉba machimaa chi chuburia id̶iiruu mʉ kĩra mau Moisesba b̶ʉd̶ad̶e panarãad̶amera. Naed̶e machiba mʉʉmaa kachirua waud̶aabasii, maumaarã biꞌia wausid̶au.

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

1 Juan 3:18

Mʉ warrarã, dachi ãbarã kʉ̃riad̶ai panuu. Bed̶ead̶éburu maka waud̶aabai panuu, maumaarã dachiba wau panuud̶eeba biawãra kʉ̃riad̶ai panuu.

1 Juan 3:7

Mʉ warrarã, ab̶aumaa ida setaa kũruabiarã́sturu. Chi jipa wau b̶uu Dachi Akõre daad̶e jipa nii, Cristo jipa nii kĩra.

3 Juan 1:4

Mʉ ãbarãba chi biawãra bed̶ea ijãa panuu ũriiruud̶e, mʉ ãrea kĩrajʉʉ b̶uabarii.