2 Corintios 6:10 - Emberá Chamí

¹⁰ Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

2 Corintios 6:10 ပူးပေါင်းရင်းမြစ်များ

Mateo 5:12

Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita.

Mateo 5:4

Biꞌia panuu machi kĩra nomaa nuree, Dachi Akõreba mau kĩra nomaa wãꞌaebiid̶eeba.

Lucas 6:21

Biꞌia panuu machi chi jarrbisia nuree Dachi Akõreba jãwaabiai b̶uud̶eeba. Biꞌia panuu machi chi kĩra nomaaba jẽa nuree Dachi Akõreba kĩrajʉʉbiai b̶uud̶eeba.

Juan 16:22

Ara mau kĩra machi jãabae kĩra nomaa panuu, maamina mʉ waya machi ichiad̶e neei. Maabae machi kĩrajʉʉd̶ai. Ab̶au bid̶a mau kĩrajʉʉ poyaa wãꞌãebiibai.

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

Hechos 3:6

Pedroba jarasii: —Mʉ chi nejarra maud̶e nee wãꞌãe, maamina chi mʉʉba uru b̶uu bichimaa dearuu: ¡Jesucristo Nazaretd̶ebena trʉ̃d̶eeba jiraduped̶a nibad̶ease!

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 11:12

Judiorãba Cristo ida b̶usid̶aud̶eeba ãchi audeara Dachi Akõreba joma nau iujãad̶ebena judiowãerã ãrea kariba b̶uu. Maud̶eeba chi judiorã waya Dachi Akõre ome biꞌia paneeduu ewarid̶e ¿Dachi Akõreba jomaurã biꞌia karibaabaika?

Romanos 12:15

Chi kĩrajʉʉ nuree ome kĩrajʉʉ panásturu. Chi kĩra nomaa nuree ome kĩra nomaa panásturu.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Romanos 9:2

Nau jaraaruu: mʉ ẽbẽrarã judiorã kakua ewaricha ãrea kĩra nomaa b̶uabarii, ãchi Dachi Akõre ome biꞌiwãe panuud̶eeba. Mʉ Cristod̶ebena awara b̶eei kʉ̃riai, mʉ ãbarã aid̶ai baita,

1 Corintios 1:5

Jesucristo ome panuud̶eeba Dachi Akõreba machimaa joma deasii biꞌia waud̶amera. Ichi bed̶ea poyaa kuitaa jaradea panad̶ai maud̶e ichi ʉ̃rʉbena poyaa ãrea kuitaa panad̶ai.

2 Corintios 2:4

Biawãra mau karta b̶ʉsii machi iadaai baita. Maamina maka b̶ʉʉbasii machi kĩra nomaad̶amera, maumaarã kuitaad̶amera mʉʉba machi biawãra kʉ̃ria b̶uu. Maud̶eeba mʉʉba kĩra nomaad̶eeba, ãrea kʉ̃risia b̶uud̶eeba maud̶e jẽa b̶uud̶eeba mau karta b̶ʉ b̶uasii.

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

2 Corintios 4:7

Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Efesios 3:16

Mʉʉba ʉtaa id̶i b̶uu ichi Jaurid̶eeba maud̶e ichiba ne bia ãrea uru b̶uud̶ebena ichi poyaabarii machimaa sõd̶e deamera. Maka machi chaarea nuread̶ai.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 4:4

Dachi Mechiu Jesucristo ome panuud̶eeba ewaricha kĩrajʉʉ panásturu. Mʉʉba waya jaraaruu: ¡Kĩrajʉʉ panásturu!

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

1 Tesalonicenses 1:6

Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

1 Tesalonicenses 5:16

Jomad̶e kĩrajʉʉ panásturu.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Apocalipsis 21:7

Chi kachirua waud̶ai poyaaped̶aad̶arãba joma nau adoed̶ai, warrba chi akõreba uru b̶uud̶ebena adaubarii kĩra. Mʉ ãchi Dachi Akõre bai maud̶e mʉ warrarã nuread̶ai.