2 Corintios 5:20 - Emberá Chamí

²⁰ Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 5:20 ပူးပေါင်းရင်းမြစ်များ

Lucas 10:16

Maabae ichi baara nibabadaurãmaa jarasii: «Machi bed̶ea ijãa b̶uuba mʉ bed̶ea ijãa b̶uu. Machi ida b̶u b̶uuba mʉ ida b̶u b̶uu. Maud̶e chi mʉ ida b̶u b̶uuba chi mʉ Bʉid̶a sid̶a ida b̶u b̶uu».

Lucas 14:23

Maud̶eeba chi de chibariba ichi baita bari trajabariimaa waya jarasii: “Puuru awara o b̶eecha wãse. Ẽbẽrarã unuuruubʉrã isa neebiáse mʉ de ẽbẽrarãba ãrea kob̶eemera.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Romanos 5:10

Dachi wabid̶a Dachi Akõre ome chi kĩramaa nureasiid̶e ichi Warr biusiid̶eeba dachi ichi ome biꞌia b̶usii. Cristo chokae b̶uud̶eeba, maka dachi biawãra karibai.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Efesios 6:20

Cristoba mʉ bʉisii mau bed̶ea jaradeamera. Jaradea b̶uu kakua mʉ jʉ̃a uru panuu. Dachi Akõremaa ʉtaa id̶ísturu mʉʉba mau bed̶ea bia ʉ̃rʉbena wapeawẽa berreai baita mʉʉba maka waui b̶uud̶eeba.

Colosenses 1:20

Maud̶e kʉ̃riasii Cristod̶eeba ne joma bajãad̶ebena maud̶e nau iujãad̶ebena ichi ome biꞌia nuread̶amera. Maud̶eeba Cristo cruzd̶e oa chesiid̶eeba ichi ome jirukaraayuwãe b̶usii.

1 Tesalonicenses 4:8

Chi mau mʉʉba jaradead̶a ida b̶u b̶uuba ẽbẽraba jarad̶a ida b̶uwẽa b̶uu, maumaarã Dachi Akõreba jara b̶uu ida b̶u b̶uu. Ara mau Dachi Akõreba ichi Jauri machimaa deasii kachiruaswãe panad̶amera.