2 Corintios 5:18 - Emberá Chamí

¹⁸ Joma mau Dachi Akõreba wausii. Cristod̶eeba dachi ichi ome biꞌia b̶usii maud̶e dai b̶usii mau ʉ̃rʉbena ẽbẽrarãmaa jaradead̶amera.

2 Corintios 5:18 ပူးပေါင်းရင်းမြစ်များ

Lucas 10:5

»Deed̶a wãaduud̶e mau ded̶ebenarãmaa naka jarásturu: “Dachi Akõre trʉ̃d̶e apii jirukaraayuwãe panásturu”.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 11:12

Chi nabena wẽra mukĩrad̶ebena neesii. Mamau tõpe mukĩra wẽrad̶ebena neebarii. Maamina biawãra joma Dachi Akõred̶ebena nee panuu.

1 Corintios 12:6

Dachi Akõre ab̶a niiba dachimaa ne diwaraa waubi b̶uu. Ichiaburu dachid̶eeba mau joma waubarii.

1 Corintios 3:5

Maamina ¿Pablo kaima? ¿Apolos kaima? Dai Dachi Akõre baita bari trajabadaubʉ. Daid̶eeba machiba Dachi Mechiud̶e ijãasid̶au. Dachi Akõreba daicha waubiad̶a kĩra wausid̶au.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Colosenses 1:22

Maamina Cristo biusiid̶eeba Dachi Akõreba machi mau ome biꞌia b̶usii ichi daad̶e kachiruaswãe nuread̶amera maud̶e waabenarãba machi ʉ̃rʉbena kachirua jarad̶ayuswãe nuread̶amera.

Hebreos 2:17

Ichi neesiid̶e ne jomad̶e dachi kĩra nibasii, ẽbẽrarã kĩra chuburiabarii Paare Mechiu bai baita. Biawãra Dachi Akõre daad̶e joma jipa waubarii b̶eesii. Maud̶eeba ara ichi ida beabisii ẽbẽrarãba kachirua waubadau Dachi Akõreba kĩraba b̶uarãamera.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.