2 Corintios 4:7 - Emberá Chamí

⁷ Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.

2 Corintios 4:7 ပူးပေါင်းရင်းမြစ်များ

Mateo 13:44

Bajãad̶e B̶uuba ichid̶irã ichi juad̶e ua b̶uu chi nejarra iorod̶e mera b̶ud̶a kĩra b̶uu. Mau chi nejarra ẽbẽraba unuped̶a chi b̶uad̶amaa mera b̶usii. Maabae kĩrajʉʉ wãped̶a joma ichiba uru b̶uu nedobʉiped̶a chi drua nedosii.

Mateo 13:52

Maud̶e Jesusba jarasii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena Moisesba b̶ʉd̶a jaradeabariiba kuitaaruubʉrã, de chibari kĩra b̶uu. Ichiba chi ne kaebea bia wid̶i pe nub̶uumarebena maud̶e chi ne kaebea bia nabẽraed̶ebena sid̶a unubibarii.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

1 Corintios 1:28

Nau iujãad̶ebenarãba chi nejarr barauwãe nuree abadau maud̶e chi maarãba ida b̶ubadau Dachi Akõreba jʉrʉ adausii. Maka chi mechiuwãe nuree jʉrʉ adausii chi mechiu nuree chi nejarr barauwãe nuread̶ai b̶ui baita.

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

2 Corintios 5:1

Nau iujãad̶e dachi kakua ãrea dauchia jãaduad̶akaud̶eeba de ãnimara e wauped̶aad̶a kĩra b̶uu. Dachiba kuitaa panuu dachi biuduud̶e Dachi Akõreba dachimaa chi kakua biukau bajãad̶ebena deai. Ẽbẽrarãba mau biukau kakua waud̶akau.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

Colosenses 2:12

Dachi Akõreba ichi poyaabariid̶eeba Cristo chi biud̶ad̶ebena chokae jiradubisii. Machiba Dachi Akõre maka poyaabarii nii ijãasid̶aud̶eeba boro easid̶aud̶e unubisid̶au Cristo ome jau b̶uped̶aad̶a maud̶e Dachi Akõreba machi Cristo ome chokae jiradubid̶a.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Tesalonicenses 4:4

Machi kakua jipa kuitaa panad̶ai duanásturu Dachi Akõre daad̶e maud̶e ẽbẽrarã daad̶e biꞌia panad̶amera.

2 Timoteo 2:20

De mechiud̶e paratu nee waud̶a duanuu maud̶e parata waud̶a duanuu. Maud̶e bakuru waud̶a maud̶e ioro kad̶a sid̶a duanuu. Waabenarã biꞌia panuud̶eeba barikia ewari baita panuuwãema, maamina waabena barikia ewari baita panuu.