2 Corintios 4:4 - Emberá Chamí

⁴ Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

2 Corintios 4:4 ပူးပေါင်းရင်းမြစ်များ

Mateo 13:22

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau. Maud̶eeba ne bia waubiad̶akau.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 12:31

Jãabae Dachi Akõreba kuitaabiaruu nau iujãad̶ebenarãba kachirua wau panabadau. Jãabae Dachi Akõreba poyaa duabʉiruu chi nau iujãad̶ebenarã rey, chi jʉbawãe nii.

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 12:40

«Mʉʉba ãchi dau pãriu nuree kĩra b̶usii maud̶e sõ chaarea b̶usii ãchi dauba unu panumina kuitaarãad̶amera maud̶e ũri panumina sõd̶eeba ũrirãad̶amera. Maka panuud̶eeba mʉʉmaa need̶akau mʉʉba aribiabiamera».

Juan 12:45

Chi unu b̶uuba chi mʉ bʉid̶a sid̶a unu b̶uu.

Juan 14:30

»Mʉ machi baara ãrea berreawẽe, nau iujãad̶ebena rey neeruud̶eeba. Mauba mʉ ome poyaakau.

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Juan 16:11

Maud̶e Dachi Akõre Jauriba kuitaabiai nau iujãad̶ebenarã nebʉrad̶e panuu, Dachi Akõreba nau iujãad̶ebena rey nebʉra bara b̶uu asiid̶eeba.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Hechos 26:23

Ãchiba jarabachid̶au Dachi Akõreba Dachi Karibabarii deai jarad̶a ãrea puꞌuaba biui b̶uasii maud̶e chi biuped̶aad̶arãd̶ebena naa chokae jiradui b̶uasii, chi dachi karibai ʉ̃d̶aa b̶uu judiorãmaa maud̶e judiowãerãmaa jarai baita.

1 Corintios 10:20

Maamina Dachi Akõred̶e ijãad̶akaurãba kiuru ãchi juaba ne kaped̶aad̶arãmaa deaduud̶e biawãra jai kachiruarãmaa dea panuu. Dachi Akõremaa dea panuuwãema. Machiba mau kiuru kooduubʉrã, unubid̶ai jai kachiruad̶e ijãa panuu. Mau mʉʉba kʉ̃riawẽma.

2 Corintios 2:11

Mʉʉba mau perdonasii Satanasba dachi setaa kũruarãamera. Ichiba saka waubarii dachiba ãrea kuitaa panuu.

2 Corintios 2:12

Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

2 Corintios 3:11

Moisesba b̶ʉd̶a naed̶e ãrea biꞌia b̶uasmina ewaricha waa b̶uabai basii. Maamina ichiba bed̶ea chiwid̶i dead̶a wãꞌãekaud̶eeba bibuara b̶uu.

2 Corintios 3:14

Maamina ãchiba mau ʉ̃rʉbena kuitaad̶aabasii. Id̶ibae bid̶a judiorãba chi Moisesba b̶ʉd̶a ichiaduud̶e kuitaad̶akau. Ãchi kʉ̃risia wabid̶a paruba mera panuu kĩra nuree, ab̶a Cristod̶éburu mau ãyaa ewaid̶eeba.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Gálatas 1:4

Ara mau Jesucristoba ichi dachi kachirua kakua ida beabisii nau ewari kachiruad̶ebena karibai baita. Maka wausii Dachi Bajãad̶ebena Akõreba maka kʉ̃riasiid̶eeba.

Efesios 2:2

Maka nibasid̶au nau iujãad̶ebena kʉ̃risia ijãa panasiid̶eeba maud̶e jai kachiruarã chi aude mechiu nii ijãa panasiid̶eeba. Id̶ibae ichiba chi Dachi Akõre bed̶ea ijãad̶akaurã ichi juad̶e ua b̶uu.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Filipenses 2:6

Ichi Dachi Akõremina, ara Dachi Akõre kĩra arab̶aud̶e b̶uai kʉ̃risiabasii.

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 6:4

Waabenarã chi nureeba chi bed̶ea biawãra kuitaaped̶aad̶akaud̶e, Dachi Akõreba dea b̶uu kuitaaped̶aad̶akaud̶e, ichi Jaurid̶eeba ne adauped̶aad̶akaud̶e,

2 Pedro 1:19

Mau awara kuitaa panuu Dachi Akõre baita berreabadaurãba jaraped̶aad̶a biawãrabʉ. Mau bed̶ea ʉ̃d̶aa koabarii pãriud̶e urua b̶uu kĩra b̶uud̶eeba machiba ãrea kauwa ũrid̶ai panuu. Ʉ̃d̶aa koabarii urua b̶uabarii ab̶a ewariiruud̶aa, ab̶a chi daped̶eed̶ebena pusterrea neeruud̶aa. Ara mau kĩra dachi nau iujãa kachiruad̶e panuud̶e mau bed̶eaba dachi sõd̶e kuitaabia b̶uu saka nibad̶ai panuu ab̶a Cristo neeruud̶aa.

1 Juan 2:11

Maamina chi ichi ãba kĩramaa b̶uu pãriud̶e b̶uu. Pãriud̶e niid̶eeba adua b̶uu samaa wãi, pãriuba ichi dau berrea b̶uud̶eeba.

1 Juan 2:8

Maamina chi mʉʉba b̶ʉmaa b̶uu chiwid̶i kĩra b̶uu Cristoba wausiid̶eeba maud̶e machia bid̶a biawãra wau panuud̶eeba. Chi nau wid̶i pãriu wãꞌãe kãrii kĩra b̶uu, maud̶e chi biawãra bed̶ea ʉ̃d̶aa kãrii kĩra b̶uu.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.