2 Corintios 4:11 - Emberá Chamí

¹¹ Biawãra dai wabid̶a chokae panuud̶e Jesús kakua ẽbẽrarãba dai bea kʉ̃ria panad̶ai. Maka dai chi kakua biui b̶uud̶eeba jomaurãba Jesús chokae b̶uu unud̶ai.

2 Corintios 4:11 ပူးပေါင်းရင်းမြစ်များ

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

1 Corintios 15:31

Ãbarã, machiba Dachi Mechiu Jesucristod̶e ijãa panuu baita mʉ biawãra kĩrajʉʉ b̶uu. Biawãra jaraaruu: ewaricha kʉ̃risia b̶uu ẽbẽrarãba mʉ chi Jesús bed̶ea kakua bead̶ai.

1 Corintios 15:49

Dachi chi nabena mukĩra ioro waud̶a kĩra nuree maud̶e bajãad̶ebena need̶a ẽbẽra Cristo kĩra panad̶ai.

2 Corintios 4:10

Dai wãaduucha ẽbẽrarãba dai bead̶ai kʉ̃ria panuu Jesús beaped̶aad̶a kĩra. Maamina Jesusba dai kariba b̶uud̶eeba ãchiba daid̶eeba Jesús chokae b̶uu unubadau.

2 Corintios 4:12

Biawãra ẽbẽrarãba dai bead̶ai kʉ̃ria panumina daiba jaradea panuu machiba ijãasid̶au. Maud̶eeba ewaricha Dachi Akõre ome chokae panad̶ai.

2 Corintios 5:4

Biawãra dachi nau kakuad̶e panuud̶e ãrea biꞌiwãe panabadau maud̶e kĩra nomaa berreabadau. Maamina mʉʉba jarawẽa b̶uu dachi biu kʉ̃ria panuu nau kakua uru paneed̶amaaba. Maumaarã bajãad̶ebena kakua adau kʉ̃ria panuu. Maka dachi kakua biui b̶uu wãꞌãeped̶a dachi kakua biukau b̶eei.

2 Corintios 6:9

Dai ãrea unu panumina ãchiba unud̶akau ẽbẽrarã kĩra waubadau. Dai biumaa panuu kĩra kʉ̃risia panumina wabid̶a chokae panuu. Dai soaba pebadamina bead̶akau.