2 Corintios 4:10 - Emberá Chamí

¹⁰ Dai wãaduucha ẽbẽrarãba dai bead̶ai kʉ̃ria panuu Jesús beaped̶aad̶a kĩra. Maamina Jesusba dai kariba b̶uud̶eeba ãchiba daid̶eeba Jesús chokae b̶uu unubadau.

2 Corintios 4:10 ပူးပေါင်းရင်းမြစ်များ

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Romanos 6:5

Dachi Cristo baara biusid̶aud̶eeba ichi chokae jiradud̶a kĩra, chokae b̶uai chiwid̶id̶e nibad̶ai.

Romanos 6:8

Dachi Cristo ome biuped̶aad̶ad̶eeba ijãa panuu ichi ome chokae panad̶ai.

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

2 Corintios 1:5

Biawãra Cristo baita dai ãrea biꞌiwãe duanubadamina ichid̶eeba ne jomad̶e kĩrajʉʉbadau.

2 Corintios 1:9

Biawãra dai bead̶ai kʉ̃risiasid̶au. Maamina joma makasii ara dai du ab̶a poyaa karibad̶ai kʉ̃risiarãad̶amera maumaarã chi biuped̶aad̶a chokae jiradubibarii Dachi Akõreba karibai ijãad̶amera.

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

2 Corintios 4:11

Biawãra dai wabid̶a chokae panuud̶e Jesús kakua ẽbẽrarãba dai bea kʉ̃ria panad̶ai. Maka dai chi kakua biui b̶uud̶eeba jomaurãba Jesús chokae b̶uu unud̶ai.

Gálatas 6:17

Jesús ʉ̃rʉbena jaradea b̶uu kakua, ẽbẽrarãba mʉ kachirua wausid̶au. Mau mʉ kakuad̶e tõokuaped̶aad̶aba somia uru b̶uu. Mauba mʉ ichid̶e b̶uu unu b̶uu. Maud̶eeba id̶iid̶eeba mʉʉba kʉ̃riawẽma ab̶auba waa nebʉra baraabi b̶uai.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

2 Timoteo 2:11

Nau bed̶ea biawãrad̶eeba, mau ijãad̶ai panuu: Dachi Cristo ome biuduubʉrã, ichi ome chokae panad̶ai.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

1 Pedro 4:14

Machi Cristod̶e ijãa panuu kakua kachirua jaraaduubʉrã, Dachi Akõre daad̶e ãrea biꞌia nuree. Dachi Akõre Jauri kĩrawãrea nii machi ome b̶uu.

Apocalipsis 1:17

Ichi unusiid̶e ichi jʉ̃rʉ kaita peraba jeed̶a b̶ari b̶eesii. Maamina ichi jua bia mʉ ʉ̃rʉ kub̶uped̶a jarasii: «Perarã́se. Mʉ chi nabenabʉ maud̶e kaad̶ebenabʉ.