2 Corintios 3:18 - Emberá Chamí

¹⁸ Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 3:18 ပူးပေါင်းရင်းမြစ်များ

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 12:41

Isaiasba ichi kartad̶e maka b̶ʉsii Jesús chi Mechiu nii unusiid̶eeba. Maud̶e mau ʉ̃rʉbena berreasii.

Juan 17:22

Bichiba mʉ adoesii dachi ãbua panad̶amera. Maka mʉ chi mechiu b̶usii. Ara mau kĩra mʉʉba ãchi chi mechiu b̶usii dachi ome chi kakua ab̶a nii kĩra panad̶amera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

Romanos 8:4

Ichiba maka wausii dachiba poyaa jipa waud̶amera Moisesba b̶ʉd̶ad̶e jara b̶uu kĩra. Jãabae dachi poyaa jipa nibad̶ai nau kakuaba wau kʉ̃ria b̶uud̶e nibad̶akaud̶eeba, maumaarã Dachi Akõre Jaurid̶eeba nibabadaud̶eeba.

Romanos 8:7

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã, Dachi Akõre kĩramaabʉ. Moisesba b̶ʉd̶a wau kʉ̃riakau; ne ab̶a bid̶a poyaa waukau.

1 Corintios 13:12

Ʉ̃raud̶e dachiba Dachi Akõred̶ebena tõroroa kĩra unu panuu chi kĩra ichiabadaud̶e. Maamina ewari ab̶ad̶e dachiba joma ʉ̃d̶aa unud̶ai mau saka b̶uu. Ʉ̃raud̶e mʉʉba b̶aꞌãraburu kuitaa b̶uu, maamina ewari ab̶ad̶e joma kuitaai Dachi Akõreba mʉ ʉ̃rʉbena kuitaa b̶uu kĩra.

1 Corintios 15:49

Dachi chi nabena mukĩra ioro waud̶a kĩra nuree maud̶e bajãad̶ebena need̶a ẽbẽra Cristo kĩra panad̶ai.

2 Corintios 3:17

«Dachi Mechiu» aaruud̶e «Dachi Akõre Jauri» jara b̶uu. Chi Dachi Mechiu Jaurid̶eeba nibabarii kachiruad̶ebena maud̶e Moisesba b̶ʉd̶ad̶ebena ãyaa wãsii.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

Gálatas 6:15

Dachi Akõreba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Ichiba ẽbẽra wid̶i waud̶a biꞌia unu b̶uu.

Colosenses 3:10

Paru chiwid̶i jʉ̃ʉduu kĩra machi chiwid̶i paneesid̶au. Dachi Akõreba maka wausii. Mau awara machi biꞌia wau kãrid̶au ichi kĩra nuread̶amera maud̶e ichi biꞌia unud̶amera.

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

Tito 3:5

Mauba dachi karibasii. Dachiba biꞌia wauped̶aad̶a kakua karibaabasii, maumaarã ichi kĩra chuburiasiid̶eeba karibasii. Dachi kachirua jeraasii paru ea jeraad̶a kĩra nuread̶amera maud̶e Dachi Akõre Jauriba dachimaa chokae b̶uai chiwid̶i deasii.

Santiago 1:23

Dachi Akõre bed̶ea ũri b̶uuba mau wauwẽebʉrã, ẽbẽraba ichi kĩedarr chi ichiabariid̶e unubarii kĩra b̶uu.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.