2 Corintios 13:10 - Emberá Chamí

¹⁰ Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 13:10 ပူးပေါင်းရင်းမြစ်များ

1 Corintios 4:21

Mau ¿machiba saka kʉ̃ria panuma? ¿Kʉ̃ria panuka mʉʉba iadaad̶e wãi maebʉrã kʉ̃riad̶eeba, biꞌia berread̶eeba wãi?

1 Corintios 5:4

Machi araa ãbua imiiduud̶e mʉ jaurid̶e machi ome b̶uai. Maud̶e Dachi Mechiu Jesusba chi poyaabarii machimaa deai,

2 Corintios 10:2

Maka jara panumina machimaa neeruud̶e dai kachirua jara panuu mʉʉba biawãra iadaai. Ãchiba jara panuu dai nau kakuaba kʉ̃ria b̶uu kĩra nibabadau. Maud̶eeba machi sid̶a iadaamaaba mʉʉba chi chuburia id̶iiruu jipa waud̶amera.

2 Corintios 10:4

Daiba chĩod̶ai baita uru panuu nau iujãad̶ebenawãema, maumaarã Dachi Akõre poyaabariid̶eeba joma nau iujãad̶ebena kʉ̃risiabadau daiba poyaabadau.

2 Corintios 10:8

Dachi Akõreba daimaa waubi b̶uu ʉ̃rʉbena mʉʉba ãrea berrea b̶umina mau kakua kĩra nejasia b̶uuwãe. Dachi Mechiuba daimaa maka waubi b̶uu machiba biꞌia ijãad̶amera. Ichiba dai b̶uubasii machiba ijãa panuu ida b̶ud̶amera.

2 Corintios 13:2

B̶es ome machimaa wãsiid̶e mʉʉba jarasii kachirua wau nureerãmaa waa waurãad̶amera. Maka waud̶awẽebʉrã, waya neeruud̶e mʉʉba ãchi kĩra chuburiabai asii. Maud̶e ara ʉ̃raud̶e mʉ machi baara b̶uuwãemina arab̶aud̶e jaraaruu: kachirua wau nureerãba ida b̶ud̶awẽebʉrã, mʉ waya wãaruud̶e ãchi kĩra chuburiabai.

2 Corintios 13:8

Daiba chi biawãra bed̶ea poyaa kĩra awara waud̶aabai, maumaarã chi biawãra bed̶ea joma waud̶ai panuu.

2 Corintios 2:3

Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

Tito 1:13

Mauba jarad̶a biawãrabʉ. Maud̶eeba mau ẽbẽrarã iadaa b̶uase biawãra bed̶ea ijãad̶amera, judiorãba nabẽraed̶ebena nebʉrʉbadau ida b̶ud̶amera maud̶e chi biawãra bed̶ea ijãad̶akaurãba jaradea panuu ijãarãad̶amera.