2 Corintios 12:7 - Emberá Chamí

⁷ Dachi Akõreba mʉʉmaa bajãad̶e unubid̶a ãrea bibuara b̶uasii. Maamina mʉʉba ara mʉ ʉ̃rʉbena ãrea biꞌia kʉ̃risiarãamera, Dachi Akõreba mʉʉmaa puꞌuabisii ʉriba su nub̶uu kĩra. Satanasba bʉid̶aba maka waubarii.

2 Corintios 12:7 ပူးပေါင်းရင်းမြစ်များ

Mateo 26:67

Maabae chi nureeba Jesús kĩedarrmaa id̶usid̶au maud̶e drʉsid̶au. Waabenarãba ichi sĩsid̶au.

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Lucas 13:16

Maka b̶uubʉrã ¿bibuara b̶uuwãeka nau wẽra, Satanasba 18 año kachiruad̶e uru b̶uad̶ad̶ebena bari panabadau ewarid̶e aribiabii? ¿Mau sid̶a Abrahamd̶ebena need̶awãeka?

1 Corintios 4:11

Id̶ibaed̶aa dai jarrba wau panuu, obisia wau panuu maud̶e paru sore uru panuu. Dai dewãe panuu maud̶e ẽbẽrarãba dai kachirua waubadau.

1 Corintios 5:5

mau ẽbẽra kastikad̶amera. Mau ãyaa duabʉid̶ai panuu, Satanasba ãrea biꞌiwãe b̶uabimera. Makaaduubʉrã nau kakuaba kachirua wau kʉ̃ria b̶uu ida b̶ui. Maud̶e Dachi Mechiu neei ewarid̶e ichi karibai.

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 10:5

Joma kʉ̃risia biꞌiwãe b̶ee maud̶e dachi nejuakayad̶eeba Dachi Akõre ʉ̃rʉbena ida kuitaabiad̶akau, daiba chi seta kuitaabiabadau. Jʉ̃a uru paneeduu kĩra daiba chi maka kʉ̃risia nuree jipa kʉ̃risiabiabadau Cristod̶e ijãad̶amera.

2 Corintios 11:20

Machi ãchi baita bari trajabadaurã kĩra paneebiaduud̶e, machi kod̶ai bad̶a kooduud̶e, machid̶e juakaa adauduud̶e, maarãba machi aude bibuara nuree kʉ̃risiaduud̶e maebʉrã machi kĩedarr sĩiduud̶e machiba ida kabibadau.

2 Corintios 12:1

Waya ara mʉ ʉ̃rʉbena biꞌia berreai, mauba waabenarã aid̶akamina. Dachi Mechiuba mʉ daumaa unubid̶a maud̶e kuitaabid̶a mʉʉba jaraaruu.

Gálatas 4:13

Kuitaa panuu mʉʉba machimaa chi bed̶ea bia Cristo ʉ̃rʉbena naa jarad̶e wãsiid̶e, mʉ ẽpermo b̶uasiid̶eeba machimaa jaradea b̶eesii.

1 Timoteo 3:6

Dachi Akõre bed̶ea ea ijãad̶a nii ijãabadaurã nubarii b̶uabai b̶uu chi mechiu kʉ̃risiarãamera. Maka kʉ̃risiaruubʉrã Dachi Akõreba ichi kastikai jʉbawãe nii kastikad̶a kĩra.