2 Corintios 12:14 - Emberá Chamí

¹⁴ Mʉ machimaa wãi baita b̶uu. Nauba b̶es õbea bai wãaruu. Maamina mʉʉba id̶iwẽma machiba aid̶ad̶amera. Machiba uru b̶ee jʉrʉ b̶uuwãe, maumaarã machi kʉ̃ria b̶uu. Warrarãba chi nejarra jaatʉd̶akau ãchi akõrerãmaa dead̶ai baita, maumaarã chi akõrerãba chi nejarra jaatʉbadau ãchi warrarãmaa dead̶ai baita.

2 Corintios 12:14 ပူးပေါင်းရင်းမြစ်များ

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

1 Corintios 10:24

Ab̶au bid̶a ara ichi biꞌia b̶uai jʉrʉ b̶uabai b̶uu, maumaarã waabenarã biꞌia nuread̶amera jʉrʉ b̶uai b̶uu.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 11:34

Ab̶a jarrbisia b̶uubʉrã ichi ded̶e koi b̶uu. Maka araa ãbua imiiduud̶e Dachi Akõreba machi kastikaabai kachirua wau panuud̶eeba. Mʉʉba wabid̶a jaradeai b̶uu machimaa wãaruud̶e joma jaradeai.

1 Corintios 16:5

Mʉ naa Macedonia druad̶aa wãi b̶uu. Maabae machimaa wãi.

1 Corintios 4:19

Maamina Dachi Mechiuba kʉ̃riaruubʉrã, mʉ machimaa isa wãi. Maud̶e chi mechiu abadauba jara panuu ũrid̶e wãabai, maumaarã ichiad̶e wãi ãchi biawãra Dachi Akõre poyaabarii uru panuu kuitaai baita.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

1 Corintios 9:18

Makarã ¿mʉʉba jaradea b̶uu baita, kãare adauima? Ne adaubai. Kĩrajʉʉ b̶uai chi bed̶ea bia Cristo ʉ̃rʉbena jaradea b̶uud̶eeba. Mʉʉba jaradea b̶uud̶eeba ne adaui b̶umina ne id̶ikau.

1 Corintios 9:19

Mʉ ab̶au chibari baita bid̶a b̶ari trajabariiwãed̶eeba chi jomaurã chibari baita bari trajabarii b̶eesii ãreaba mʉʉd̶eeba Jesucristod̶e ijãad̶amera.

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

2 Corintios 11:9

Mʉ machimare b̶uasiid̶e ne joma uru b̶uabasmina machimaa ne id̶iibasii. Maumaarã mʉʉba wãꞌãe b̶uad̶a ãbarã Macedoniad̶ebena neeped̶aad̶aba joma mʉʉmaa deasid̶au. Mʉʉba ne ab̶a bid̶a machimaa id̶iibasii maud̶e id̶iwẽa b̶uai.

2 Corintios 12:13

¿Mʉʉba kãared̶eeba machi waabena puurud̶ebena ãbarã audeara kachirua wausma? ¿Ab̶aburu machid̶ebena mʉʉba ne id̶iwẽa b̶uasiid̶eeba, maka kʉ̃risia panuka? Maka b̶uubʉrã ¡mau kachirua waud̶a michuburia perdonásturu!

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

Filipenses 4:1

Maud̶eeba mʉ ãbarã, mʉʉba jarad̶a kĩra Dachi Mechiud̶e ãrea ijãa panásturu. Mʉʉba machi ãrea kʉ̃ria b̶uu maud̶e unu kʉ̃ria b̶uu. Machi kakua, mʉ ãrea kĩrajʉʉ b̶uu. Machi mʉ kĩrajʉʉbibadaubʉ.

Filipenses 4:17

Mʉʉba id̶iwẽa b̶uu machiba ne urubʉid̶amera, maumaarã kʉ̃ria b̶uu biꞌia wau panuud̶eeba Dachi Akõreba machi biꞌia aid̶ai.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Tesalonicenses 2:8

Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.