2 Corintios 12:11 - Emberá Chamí

¹¹ Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 12:11 ပူးပေါင်းရင်းမြစ်များ

Lucas 17:10

Ara mau kĩra machiba waud̶ai panuu joma wauped̶aad̶akare naka jarad̶ai panuu: “Dai chi chibari baita bari trajabadaurã kaebeu nuree; ab̶aburu daiba waud̶ai panuu wausid̶au”.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 3:22

Machiba mʉ, Apolos maud̶e Pedro uru panuu. Joma nau iujãad̶e b̶uu sid̶a uru panuu. Chi id̶ibaebena maud̶e nubena uru panuu. Dachi chokae panuubʉrã maebʉrã biuduubʉrã Dachi Akõred̶eeba ne joma uru panad̶ai biꞌia nuread̶ai baita.

2 Corintios 1:6

Maamina dai maka ãrea biꞌiwãe panuu machi sõ kĩrajʉʉbia panad̶amera maud̶e kachiruad̶ebena wãd̶amera. Dachi Akõreba dai sõ kĩrajʉʉbiaruud̶e machi sid̶a daid̶eeba kĩrajʉʉbadau. Maka machi dai kĩra ãrea biꞌiwãe paneeduud̶e poyaa dauchia jãaduad̶ai.

2 Corintios 11:1

Mʉ kʉ̃risiaswãe nii kĩra berrea b̶umina kʉ̃ria b̶uu machiba dauchia jãadua panad̶ai. Mʉ chi chuburia id̶iiruu mʉʉba jaraaruu ũrísturu.

2 Corintios 11:5

Chi maka jaradeabadaurã ¿machimaarã, jãarã Jesucristoba bʉid̶arã chi aude bibuararãka? Mʉʉmaarã, ãchi audeara mʉ chi aude kaebeu b̶uwãema.

2 Corintios 12:12

Mʉ machi tãed̶e b̶uasiid̶e joma wausii, Jesucristoba bʉid̶arãba waubadau kĩra. Joma dauchia jãadua b̶uasii maud̶e ẽbẽrarãba ne poyaa waud̶akau waubachii.

2 Corintios 12:6

Biawãra ara mʉ ʉ̃rʉbena biꞌia berrea kʉ̃ria basirã mʉ kʉ̃risiaswãe nii kĩra berreabasii, biawãra bed̶ea berreai basiid̶eeba. Maamina mʉ maka berreawẽma ab̶au bid̶a mʉ biꞌia b̶uu kʉ̃risiarãad̶amera. Maumaarã mʉʉba kʉ̃ria b̶uu machiba mʉ ʉ̃rʉbena arakʉd̶e kʉ̃risiad̶ai mʉʉba wau b̶uu unu panuud̶eeba maud̶e mʉʉba jaradea b̶uu ũri panuud̶eeba.

2 Corintios 3:1

¿Mau jara panuud̶eeba waya ara dai ʉ̃rʉbena biꞌia berrea panuka? ¿Dai biꞌia nibaped̶aad̶a ʉ̃rʉbena karta machimaa ichiabiad̶ai panuka jaradead̶ai baita? ¿Daiba machimaa karta id̶id̶ai panuka jaradead̶e wãd̶ai baita waabenarãba waubadau kĩra?

2 Corintios 5:13

Waabenarãba jara panuu dai kĩranema nuree. Dai kĩranema panuubʉrã, Dachi Akõreba jara b̶uu waud̶ai baita maka panuu. Dai kĩrabia panuubʉrã, machi aid̶ad̶ai baita maka panuu.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.