2 Corintios 12:10 - Emberá Chamí

¹⁰ Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

2 Corintios 12:10 ပူးပေါင်းရင်းမြစ်များ

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

2 Corintios 1:4

Ne jomad̶e ãrea biꞌiwãe panuud̶e ichiba dai sõ kĩrajʉʉbiabarii waabenarã ãrea biꞌiwãe nuree sõ kĩrajʉʉbiad̶amera ichiba dai sõ kĩrajʉʉbiad̶a kĩra.

2 Corintios 10:18

Ab̶auba ara ichi ʉ̃rʉbena biꞌia jaraaruubʉrã, mauba jara b̶uuwãe Dachi Mechiuba mau ẽbẽra biꞌia unu b̶uu. Maumaarã chi Dachi Mechiuba biꞌia jara b̶uu ẽbẽra biꞌia unu b̶uu.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

2 Corintios 5:15

Biawãra Cristo jomaurã kakua biuped̶a chokae jiradusii dachi chokae nureeba ara dachiba wau kʉ̃ria panuu kĩra waa waurãad̶amera, maumaarã ichiba kʉ̃ria b̶uu kĩra wau panad̶amera.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

Efesios 6:10

Mau awara ãbarã, Dachi Mechiu ãrea poyaabarii b̶uud̶eeba chaarea nureásturu.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.

2 Timoteo 3:11

maud̶e mʉ wãraa panuu kachirua waud̶ai baita. Antioquiad̶e, Iconio puurud̶e maud̶e Listrad̶e mʉ kachirua waud̶ai baita wãraaped̶aad̶a bichiba biꞌia kuitaa b̶uu. Mʉ ãrea biꞌiwãe b̶uasii. Maamina Dachi Mechiuba joma maud̶ebena karibasii.

Santiago 1:2

Ãbarã, barikia ãrea biꞌiwãe panuud̶e kĩrajʉʉ panásturu.

Apocalipsis 2:3

Machi mʉ kakua ãrea biꞌiwãe panuud̶e joma dauchia jãadua panuu maud̶e kĩrajaab̶ariwẽa mʉ baita biꞌia traja panuu.